राज्यातील रस्ते अपघाताच्या घटना थांबता थांबत नाहीयेत. वेग मर्यादेचे उल्लंघन, रस्त्यांवरील खड्डे अशा विविध कारणांमुळे अपघाताच्या घटना वाढत चालल्या आहेत. अशात अकोल्यातून अपघाताची एक मोठी घटना समोर आलीये. दुचाकीचा अपघात झाल्याने दुचाकीस्वाराचा जागीच मृत्यू झालाय. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
मिळालेल्या अधिक माहितीनुसार, पातूरपासून अकोल्याकडे येतांना सुमारे 5 किलोमीटर अंतरावर शिर्ला फाट्यानजीक असलेल्या बुद्धभूमी समोर रात्रीच्या सुमारास भीषण अपघात झाला. कार आणि दुचाकीची समोरासमोर धडक होऊन हा अपघात (Accident) झाला. या अपघातात जिल्ह्यातल्या अहमदपूर येथील 35 वर्षीय दीपक पळसपगार यांचा जागीत मृत्यू झाला. अपघात इतका भयंकर होता की यात बाईकसह कारचा चक्काचूर झाला आहे.
सुखी संसार सुरू होण्याआधीच सर्व संपलं!
छत्तीसगडमध्येही काल अपघाताची एक मोठी घटना घडली. छत्तीसगडच्या जांजगीर चंपा जिल्ह्यात लग्नाहून परतताना कार आणि ट्रकमध्ये भीषण अपघात झाला. या अपघातात नवविवाहित दांपत्यासह पाच जणांचा दुर्दैवी मृत्यू झाला. या मन सुन्न करणाऱ्या घटनेने परिसरात एकच खळबळ उडाली.
छत्तीसगडमधील (Chhattisgarh) जांजगीर-चंपा जिल्ह्यात ही दुर्दैवी घटना घडली.शुभम सोनी आणि शिवरीनारायण येथील नेहा यांचा शनिवारी रात्री विवाह सोहळा झाला. वाजत गाजत वरात निघाली. रविवारी सकाळी नवरा नवरी कारमधू घरी परतत होते त्यावेळी काळाने त्यांच्यावर घाला घातला. कारमध्ये नवरा-नवरीसोबतच कुटुंबातील अन्य तीन व्यक्तींचाही मृत्यू झालाय.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.