अकोला - कोरोनाचा प्रादुर्भाव रोखण्यासाठी जिल्ह्यात कोरोना प्रतिबंधक लसीकरण मोहिमेला ग्रामीण भागातून फारसा प्रतिसाद मिळत नसल्याने अकोला जिल्ह्यात ही मोहीम पिछाडीवर असल्याची माहिती समोर आली आहे. आतापर्यंत केवळ 54 टक्के लाभार्थ्यांनीच पहिला डोस पूर्ण केला असून 25 टक्के लाभार्थ्यांनी दुसरा डोस घेतला आहे. राज्यात संभाव्य तिसऱ्या लाटेला रोखण्यासाठी आरोग्य विभाग लसीकरण मोहीम मोठ्या प्रमाणात राबवित आहे. मात्र गेल्या काही दिवसांपासून जिल्ह्याच्या ग्रामीण भागात या मोहिमेला थंड प्रतिसाद मिळत आहे.

हे देखील पहा -

सध्या जिल्ह्यातील ग्रामीण भागात शेतीच्या कामांना वेग आला आहे. शेतीच्या कामाची लगबग यामुळे या मोहिमेला कमी प्रतिसाद मिळत आहे. अकोल्यात लाभार्थ्यांची संख्या 14 लाखांहून अधिक आहे. त्यामुळे 28 लाखाच्या वर डोस देण्याचे आव्हाहन मात्र जिल्ह्यात लसीचा मुबलक साठा असताना आतापर्यंत 11 लाख 15 हजाराहून अधिक लसीकरण झाले आहे. त्यामुळे लसीकरण वाढवण्यासाठी नागरिकांनी पुढे येण्याचे आव्हान प्रशासन करत आहे.

Edited By - Shivani Tichkule