अक्षय गवळी, साम टीव्ही

अकोला जिल्ह्यातील बाळापुरात तालुक्यातील हातरुन गावातून मोठी बातमी हाती आली आहे. या गावात एकाच समाजाच्या दोन गटात मोठा राडा झाल्याची घटना घडली आहे. क्षुल्लक कारणावरून दोन गटात वाद उफाळल्याची घटना घडली आहे. वादानंतर दोन गट आमने-सामने आले. त्यानंतर दोन्ही गटात दगडफेक झाल्याची घटना घडली. यावेळी चारचाकी वाहन पेटवण्यात आल्याचीही घटना घडली आहे.

अकोल्यात दोन गटात वाद पेटल्यानंतर एका गटाने चारचाकी वाहन पेटवल्याची घटना घडली आहे. या घटनेत चार जण जखमी झाले आहेत. तर दोन्ही गटातील काही व्यक्तींना पोलिसांनी ताब्यात घेतलं आहेत. या घटनेतील ६ जखमींवर अकोल्याच्या जिल्हा रुग्णालयात उपचार सुरू करण्यात आले आहेत. हातरून गावात मोठा पोलीस बंदोबस्त लावण्यात आला आहे.

अकोला जिल्ह्यातील हातरुन गावात एकाच समुदायातील दोन गटात तुफान हाणामारी झाल्याची घटना घडली. आज सोमवारी दुपारच्या सुमारास ही घटना घडली आहे. पोलिसांत आपल्या विरोधात तक्रार दिल्याच्या संशयावरून एका गटातील काही जणांनी दुसऱ्या गटावर हल्ला चढवला. यानंतर दोन्ही गटामध्ये तुफान हाणामारी झाल्याची घटना घडली. यामध्ये एका वाहनाची जाळपोळ करण्यात आली आहे.

अकोल्यातील या घटनेत सुमारे ६ जण जखमी झाल्याचे समजते आहे. घटनेतील जखमींवर अकोल्यातल्या शासकीय रुग्णालयात उपचार सुरु आहे. यामध्ये एका जखमी व्यक्तीची प्रकृती चिंताजनक असल्याची माहिती आहे. या घटनेनंतर हातरून गावात पोलिसांचा मोठा फौजफाटा तैनात करण्यात आला आहे. दरम्यान, या संपूर्ण प्रकरणातं तिघांना ताब्यात घेण्यात आलं आहे.