अक्षय गवळी 
अकोला : अकोला- खामगाव राष्ट्रीय महामार्गावर मालवाहू ट्रक आणि दूचाकीचा भीषण अपघात झाला. या अपघातात दुचाकीवरील दोघांचा जागीच मृत्यू झाला आहे. हा अपघात दुपारी साडेबाराच्या सुमारास घडला आहे. 

अकोला (Akola)- खामगाव या नव्याने बांधण्यात आलेल्या राष्ट्रीय महामार्गावर भेगा पडल्या आहेत. त्यामुळे ट्रकला ओव्हरटेक करत असताना दुचाकीचे चाक या भेगांमधून गेले आणि त्यात अडकले. त्यानंतर मोटरसायकल स्लिप होऊन ट्रकवर आदळली. या (Accident) अपघातात एकाचा ट्रकच्या मागील चाकाखाली आल्याने मृत्यू झाला. तर दुसरा देखील महामार्गावर फेकला गेल्याने त्याचाही मृत्यू झाला. सचिन जुनारे आणि शाम महल्ले असं अपघातात मृत्युमुखी पडलेल्या व्यक्तींची नावे आहेत. 

ट्रक चालक ताब्यात 

सदर अपघात झाल्यानंतर महामार्गावरील वाहतूक विस्कळीत झाली होती. घटनास्थळी वाहतूक आणि स्थानिक (Police) पोलिसांनी येत  महामार्गावरील वाहतूक सुरळीत केली आहे. या अपघाताप्रकरणी जुने शहर पोलीस ठाण्यात नोंद करण्यात आली, ट्रक चालकाला ताब्यात घेतले आहे.