अजित पवारांच्या विमान अपघाताप्रकरणी रोज नवनवे दावे केले जातायत...अशातच शरद पवारांच्या राष्ट्रवादीचे खासदार बजरंग सोनवणेंनी याप्रकरणी संशय व्यक्त केलाय.. अजित पवारांच्या विमानात बॉम्ब होता का असा खळबळजनक सवालच सोनवणेंनी उपस्थित केलाय...

अजित पवारांच्या विमान अपघाताला आता 10 दिवस झालेत... तरीही तपास यंत्रणा कुठल्याच ठोस निष्कर्षापर्यंत पोहचलेली नाहीय. त्यामुळे गेल्या दहा दिवसात या अपघातासंदर्भात राजकीय नेत्यांकडून वेगवेगळ्याप्रकारे शंका व्यक्त केल्या जात आहेत...

अमोल मिटकरी, आमदार, राष्ट्रवादी (AP)

DGCA च्या माहितीनुसार विमानात 6 लोक होते, पण प्रत्यक्षात 5 मृतदेह कसे सापडले?

स्फोट होऊन विमान जळून खाक होतं, मग कागदपत्रे कशी जळत नाहीत?

विजय वडेट्टीवार, नेते, काँग्रेस

उपमुख्यमंत्र्यांच्या प्रवासासाठी बंदी असलेल्या कंपनीचे विमान कसे?

रूपाली ठोंबरे

कॅप्टन मदन आणि कॅप्टन यश ट्राफिकमध्ये अडकल्याचा दावा त्यामुळे दोघांचा एकाच वेळी उशीर का?

दुसरीकडे अजित पवारांच्या राष्ट्रवादीनं सोनावणेंच्या विधानावर नेमकं काय भाष्य केलयं... अजित पवारांच्या विमान अपघाताचा तपास सध्या सीआयडी करतेय... मात्र नेत्यांचे आरोप-प्रत्यारोप आणि खळबळजनक दावे यामुळे दादांच्या विमान अपघाताचा सस्पेन्स दिवसेंदिवस वाढत चाललाय... अपघातानंतर विमानातील ब्लॅकबॉक्स ही यंत्रणाच्या हाती लागला होता... मग ब्लॅकबॉक्समधील माहितीचं विश्लेषण करण्यास इतका वेळ का लागतोय? प्राथमिक चौकशी अहवाल समोर आला असला तरी अंतिम निष्कर्षांपर्यंत तपास यंत्रणा कधी पोहचणार... हा खरा प्रश्न आहे...