गणेशोत्सवानिमित्त मुंबईतील कोकणी माणूस गावाकडं निघालाय.. आता त्याला कोकणवासीय म्हणायचं... की चाकरमानी....? मुंबईत कामधंद्यासाठी आलेल्या कोकणपट्ट्यातील कोकणी माणसाला चाकरमानी न म्हणता कोकणवासीय म्हणण्याचे आदेशच सामान्य प्रशासन विभागाला दिलेत... त्यावरुन उलटसुलट प्रतिक्रिया उमटायला सुरुवात झालीय..

कोकणपट्ट्यातून कामधंद्यासाठी मुंबई-पुण्यासारख्या शहरात गेलेल्या कोकणी माणसाला संबोधण्यासाठी चाकरमानी हा शब्द प्रचलित झाला . मात्र हा शब्द गुलामीचं प्रतिक असल्याचा आक्षेप काही संघटनांनी घेतलाय.. त्याचं कारण असं की चाकर म्हणजे सेवक आणि मानी म्हणजे मानणारा... या शब्दामुळे कष्टकऱ्यांचा अपमान होत असल्याची भावना व्यक्त केली जातेय...

आता अजित पवारांनी चाकरमानी शब्द न वापरता थेट कोकणवासी म्हणायला हवं, असे आदेशच सामान्य प्रशासन विभागाला दिलेत.. एवढंच नाही तर त्याचं परिपत्रकही काढलं जाणार आहे... पण चाकरमानी वरून कोकणवासीय एवढा शब्दांचा खेळ न करता कोकणी माणसांच्या आणि कोकणच्या परिस्थिती बदल घडणार आहे का? असाच सवाल उपस्थित केला जातोय..