भांडुप मध्ये 23 वर्षीय तरुणाची धार धार शस्त्राने वार करून हत्या

भांडुप पूर्व येथे चामुंडा नगर मध्ये झालेल्या किरकोळ वादातून 23 वर्षीय तरुणाची भांडुप पूर्वकडील मेनन कॉलेज जवळ पहाटे दोनच्या दरम्यान घटना घडली

हर्षा ठाकूर नाहूरला राहत असून मित्रासोबत मेनन कॉलेज जवळ थांबला होता. तेव्हा आरोपी रोहित त्या ठिकाणी येऊन हर्षावर धार धार शस्त्राने वार करु लागला. त्यात हर्षा हा गंभीर रित्या जखमी होऊन हॉस्पिटल मध्ये नेले असता डॉक्टर त्यांना मयत घोषित केले.

पहलगाम हल्ल्यात प्राण गमावलेले पुण्यातील स्वर्गीय संतोष जगदाळे यांचे कुटुंब आजही त्या दुःखातून सावरत आहे. त्यांची मुलगी आसावरी हिला शासकीय सेवेत सामावून घेण्याचे दिलेले आश्वासन अद्याप पूर्ण झाले नसल्याने जगदाळे आणि आसावरी काही दिवसांपूर्वी भाजप खासदार मेधा कुलकर्णी यांची भेट घेतली होती.

शासकीय सेवेसंदर्भात महाराष्ट्र शासनाला केंद्र सरकारने योग्य ते सूचित करावे, यासाठी केंद्रीय गृहमंत्री अमित शहा यांची खासदार मेधा कुलकर्णी यांची भेट घेतली. आसावरीच्या भविष्याचा विषय त्यांनी अतिशय संवेदनशीलतेने ऐकून घेतला आणि त्वरित लक्ष घालण्याचे आश्वासन दिले असल्याची माहिती मेधा कुलकर्णी यांनी दिली आहे.

गेल्या अनेक दिवसांपासून दहशत माजवणाऱ्या बिबट्याला पकडण्यासाठी गेलेल्या वन कर्मचाऱ्यांवर बिबट्यानं थेट हल्ला चढवला. हा हल्ला इतका भीषण होता की, वन कर्मचाऱ्यांना थेट त्यांचा मृत्यू समोर दिसत असतानाही वन कर्मचाऱ्यांनी दाखवलेल्या धैर्यामुळं एक मोठा अनर्थ टळला असून हा संपूर्ण थरार मोबाईलमध्ये चित्रित झाला आहे. हा संपूर्ण प्रकार भंडाऱ्याच्या लाखनी वनपरिक्षेत्रांतर्गत येणाऱ्या नान्होरी-दिघोरी शेतशिवारात घडला. मागील अनेक दिवसांपासून बिबट्याचा वावर असल्यानं शेतीची कामं प्रभावित झाली होती. वन विभागानं बिबट्याला जेरबंद करण्यासाठी शेतात "फिल्डिंग" लावली होती. शेतात दबा धरून बसलेल्या बिबट्यानं समोरून वेगानं अंगावर येत असताना वन कर्मचाऱ्यांनी प्रसंगावधान राखलं. स्वतःचा बचाव करण्यासाठी त्यांनी हातात असलेल्या बॅरिकेट्सचा ढाल म्हणून वापर केला. बिबट्या बॅरिकेट्सवर वार करत असतानाच, दुसऱ्या बाजूनं वन कर्मचाऱ्यांनं अचूक निशाणा साधत बिबट्याला 'डॉट' मारला. काही वेळातचं बिबट्या बेशुद्ध झाला आणि नंतर बिबट्याला सुरक्षितपणे निसर्गाच्या सानिध्यात सोडण्यात आलं.

मंत्री नरहरी झिरवळ आज घेणार उपमुख्यमंत्री सुनेत्रा पवारांची भेट

मंत्रालयातील लाच प्रकरणानंतर झिरवळ सापडलेत अडचणीत

शनिवारी सकाळपासून मंत्री नरहरी झिरवळ आहेत नॉट रीचेबल

विरोधी पक्षातील नेत्यांनी केलीय झिरवळांच्या राजीनाम्याची मागणी

सुरक्षा तपासणी मशीन्स बंद असल्याने अनेक प्रवाशांना मनस्ताप सहन करावा लागत आहे...

प्रवाशांची सुरक्षा तपासणी काऊंटर परिसरात गर्दी...

मुंबई आणि दिल्लीला जाणारी विमानं वेळेवर असल्याने प्रवाशांना फटका

डीजी यात्रा सॅाफ्टवेअर सुद्धा बंद असल्यानं सीआयएसएफचे अधिकारी हे स्वता तिकीट आणि ओळखपत्र तपासून आत सोडत आहे...

त्यामुळे डिजी यात्रातून तिकीट काढूनही प्रवाश्यांना फटका बसत आहे, शिवाय वेळ अधिक लागत आहे...

शिक्षण हक्क कायद्यांतर्गत आरटीई साठी उद्यापासून प्रवेश अर्ज भरता येणार

राज्यातील 8650 शाळात एक लाख 12 हजार जागा आरटीई अंतर्गत उपलब्ध

राज्यात सर्वाधिक जागा या पुणे जिल्ह्यात उपलब्ध करून दिल्या आहेत

प्रवेश निश्चित करताना खोटी माहिती दिल्यास प्रवेश रद्द करण्यात येणार आहे

10 मार्च 2026 ही अर्ज भरण्याची शेवटची तारीख असणार आहे

औद्योगिक क्षेत्राला नवे बळ देणारा महत्वाकांक्षी प्रकल्प पुण्यात साकारला जाणार

ड्रोन क्षेत्राला चालना देण्यासाठी राज्यातील पहिले सामायिक सुविधा केंद्र पुण्यात सुरू करण्यासाठी एम सी सी आय ए ने घेतला पुढाकार

उद्योग विभागाकडे प्रस्ताव मंजूरसाठी पाठवला जाणार

ड्रोन क्लस्टर म्हणजे ड्रोन आणि त्याच्या सुट्या भागांसाठी आवश्यक असे आरेखन, संशोधन, चाचणी आणि संबंधित तंत्रज्ञानाशी निगडित उद्योगांना एकाच ठिकाणी उपलब्ध अशी सुविधा

ही सुविधा उपलब्ध करून देण्यासाठी व जागेचा खर्च वाचवून जास्तीतजास्त रक्कम यंत्रसामग्री व सॉफ्टवेअरमध्ये गुंतवता यावी यासाठी चेंबरच्या पिंपरी औद्योगिक वसाहतीमधील शाखेत हा प्रकल्प साकारणार आहे

संरक्षण, कृषी, आपत्ती व्यवस्थापन, सर्वेक्षण आणि वाहतूक क्षेत्रातील ड्रोनचा वाढता वापर लक्षात घेता य क्लस्टरमुळे राज्यातील ड्रोन क्षेत्रातील उद्योगांना चालना मिळणार

सांगली मध्ये कन्या रत्न ठेव योजनेचा गोव्याचे क्रीडा मंत्री रमेश तवडकरांच्या हस्ते शुभारंभ झाला आहे.सांगलीतील रुद्राणी फाउंडेशनच्यावतीने समाजातील गरीब कुटुंबातील 102 मुलींच्या नावे ठेवी ठेवण्यात आले आहेत.रुद्राणी फाउंडेशनचे अध्यक्ष रवींद्र शिंदे यांनी मुलीच्या जयंती निमित्ताने तिच्या नावे ही ठेव योजना सुरु केली असून गोव्याचे मंत्री रमेश तवडकर यांच्या हस्ते मुलीच्या नावे ठेवण्यात आलेली ठेव पावती संबंधित कुटुंबांना प्रदान करण्यात आली. आतापर्यंत रुद्राणी फाउंडेशनच्या माध्यमातून 702 मुलींच्या नावे ठेवी ठेवण्यात आल्या असून मुलीचा जन्मदर वाढावा,या उद्देशाने सामाजिक बांधिलकीतुन रुद्राणी फाउंडेशनच्यावतीने हा उपक्रम राबवण्यात येत आहे.

काँग्रेस भवन दगडफेक प्रकरणी भाजप-काँग्रेस शहराध्यक्षांसह शंभरहून अधिक कार्यकर्त्यांविरुद्ध गुन्हा

काँग्रेसचे प्रदेशाध्यक्ष हर्षवर्धन सपकाळ यांच्या वादग्रस्त वक्तव्याच्या निषेधार्थ भाजपच्या वतीने काँग्रेस भवनासमोर रविवारी करण्यात आलेल्या आंदोलनाला हिंसक वळण लागले होते

दगडफेकीच्या या प्रकारानंतर पोलिसांनी भाजप आणि काँग्रेसच्या शहराध्यक्षांसह प्रमुख पदाधिकारी तसेच, सुमारे शंभर ते दीडशे कार्यकर्त्यांविरुद्ध रात्री उशिरा गुन्हा दाखल केला

भाजपचे शहराध्यक्ष धीरज घाटे, युवा मोर्चा चे अध्यक्ष दुष्यंत मोहोळ यांच्यासह सुमारे ५० ते ६० भाजप कार्यकर्त्यांविरुद्ध गुन्हा दाखल

भाजप कार्यकर्त्याने दिलेल्या फिर्यादीनुसार काँग्रेसचे शहराध्यक्ष अरविंद शिंदे, कसबा विधानसभा मतदारसंघाचे उपाध्यक्ष गौरव बाळंदे, युवक काँग्रेसचे अक्षय जैन, सागर धाडवे यांच्यासह काँग्रेसच्या कार्यकर्त्यांविरुद्धही गुन्हा दाखल

उन्हाळा सुरू होताच एपीएमसी फळ मार्केटमध्ये रसाळ फळांची मागणी वाढली आहे. विशेषतः खरबुजाच्या आवकमध्ये मोठी वाढ झाल्याचे पाहायला मिळत आहे. एपीएमसी फळ मार्केटमध्ये दररोज सुमारे ५० ते ६० गाड्या खरबूज दाखल होत आहेत. मोठ्या प्रमाणात आवक होत असल्याने बाजारपेठेत भरपूर माल उपलब्ध आहे. खरबूज हे शरीराला थंडावा देणारे फळ मानले जाते, त्यामुळे उन्हाळ्यापासून दिलासा मिळवण्यासाठी नागरिक मोठ्या प्रमाणात याची खरेदी करत आहेत.

आमदार निघाले लंडनला! विधानसभेचे आमदार यांचा परदेशात अभ्यास दौरा

विधानसभेतील १५ आमदार लंडनला रवाना

या दौऱ्यात लंडनमधील प्रशासकीय कामकाज, शहरी व्यवस्थापन तसेच नागरिकांना दिल्या जाणाऱ्या विविध सुविधा यांचा अभ्यास केला जाणार

२२ फेब्रुवारी पर्यंत आमदारांचा असणार लंडन दौरा

बाबासाहेब देशमुख, परिणय फुके, विक्रम पाचपुते, नमिता मुंदडा, निरंजन डावखरे, स्नेहा दुबे, विक्रांत पाटील, अमित गोरखे, विक्रम काळे, विश्वजीत कदम, वरुण सरदेसाई, मनीषा कायंदे, सुमित वानखेडे आणि योगेश टिळेकर असे लंडन दौऱ्याला जाणाऱ्या आमदारांची नावे

अत्याधुनिक शहरी नियोजन, भक्कम पायाभूत सुविधा, सक्षम सार्वजनिक सेवा व्यवस्था आणि नागरिककेंद्रित प्रशासनाचा आमदारांकडून होणार अभ्यास

महाशिरात्रीच्या निमित्ताने महाडच्या वीरेश्वर मंदिरात तांदळाची आकर्षक आशी रांगोळी साकारण्यात आली. महाडचे ग्रामदैवत श्री वीरेश्वर महाराज यांच्या छबिना उत्सवाला काल महाशिवरात्रीपासून प्रारंभ झाला. या तादळाच्या रांगोळीसाठी तब्बल 250 किलो तांदळाचा वापर करण्यात आला. वीरेश्वराच्या गाभाऱ्यात पिंडीच्या बाजुला रंगीबेरंगी तादळाचा वापर करीत काढलेली हि रांगोळी पाहण्यासाठी भाविकांनी मोठी गर्दी केली होती.

अमरावतीच्या मेळघाटात बैलांचा नाही तर चक्क "बोकडपट"..

धारणी तालुक्यातील दहेंडा गावात यात्रेनिमित्त बोकड पटाची अनोखी स्पर्धा..

खाऱ्या टेंभ्रूच्या गावातील बोकडांचा डंका; गावातील पारंपरिक खेळाचा नवा प्रकार.

आदिवासी युवकांचा उत्साह;

लहान छकड्यांना जुंपून बोकडांची चुरशीची स्पर्धा पार पडली.

बैलगाडा शर्यतीला पर्याय म्हणून ‘बोकडपट’ची चर्चा रंगली.

मेळघाटातील या वेगळ्या स्पर्धेची जिल्हाभरात जोरदार चर्चा.

महाशिवरात्रीनिमित्त दर्शनाला गेलेल्या भाविकांच्या वाहनाचा अपघात होऊन एक ठार, तर सतरा भक्त जखमी झाले. हा अपघात चंद्रपूर जिल्ह्यातील भद्रावती तालुक्यातील पाटाळा गावाजवळ झाला. जखमींपैकी गंभीर १२ जण चंद्रपूरला, तर ५ जण वरोरा इथे हलवण्यात आले.

वाशिम येथील शासकीय वैद्यकीय महाविद्यालयाचे नामकरण आता संत सेवालाल महाराज शासकीय वैद्यकीय महाविद्यालय, वाशिम असे करण्यात आले आहे. महाराष्ट्र शासनाच्या वैद्यकीय शिक्षण व औषधी द्रव्ये विभागाने यासंदर्भात अधिकृत शासन निर्णय जारी केला आहे.

या निर्णयानुसार वाशिम येथे १०० विद्यार्थी क्षमतेचे वैद्यकीय महाविद्यालय आणि संलग्न ४३० खाटांचे रुग्णालय सुरू करण्यास यापूर्वीच मान्यता देण्यात आली होती. ग्रामीण व आदिवासी भागातील नागरिकांच्या आरोग्यसेवा आणि वैद्यकीय शिक्षणाच्या गरजा पूर्ण करण्यासाठी हे महाविद्यालय महत्त्वाची भूमिका बजावत आहे.