सचिन बनसोडे 

लोणी (अहमदनगर) : राज्याचे महसूलमंत्री राधाकृष्ण विखे पाटील यांच्या अधिपत्याखाली असलेल्या संस्थेकडे वजन मापे विभागातील निरीक्षकाने (Bribe) लाच मागितल्याचा प्रकार समोर आला आहे. (Ahmednagar) या लाचखोर निरीक्षकास १० हजार रुपयांची लाच स्वीकारताना रंगेहाथ ताब्यात घेतले आहे. (Latest Marathi News)

राज्याचे महसुलमंत्री राधाकृष्ण विखे पाटील यांच्या सहकारी ट्रक वाहतूक संस्था संचलित पेट्रोल पंपाच्या वार्षिक पडताळणीसाठी दहा हजारांच्या लाचेची मागणी करण्यात आली होती. वजन मापे विभागाचे निरिक्षक अशोक श्रीपती गायकवाड असे लाचखोर निरीक्षकांचे नाव आहे. अशोक गायकवाड याने १२ हजार रुपयांची‌ मागणी केली होती. याबाबत (ACB) एसीबीकडे तक्रार करण्यात आली होती. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

१० हजार स्वीकारताना अटक 

तडजोडअंती ठरलेली १० हजारांची लाच स्विकारताना अशोक गायकवाड यास रंगेहाथ पकडले. नाशिक लाचलुचपत प्रतिबंधक विभागाने ही कारवाई केली आहे. या प्रकरणी लोणी पोलिस ठाण्यात गुन्हा दाखल करण्यात आला आहे.