सचिन बनसोडे

Ahmednagar News: राजकारणात कधी काय होईल याचा काही नेम नाही. आज विरोधक असलेले कधी मित्र बनतील सांगता येत नाही. असाच प्रकार कोपरगाव बाजार समिती निवडणुकीत पाहायला मिळाले आहे.

अहमदनगर जिल्ह्यातील कोपरगाव बाजार समीतीत भाजप, राष्ट्रवादी आणि ठाकरे समर्थक एका गटाची सहमती एक्सप्रेस धावताना दिसत आहे. (Latest News Update)

एकीकडे एकमेकांचे प्रतीस्पर्धी असलेले राजकीय नेते बाजार समितीत मात्र एकमेकांना साथ देताना दिसत आहेत. कोपरगाव बाजार समितीत काँग्रेस आणि ठाकरे गटाच्या विरोधात भाजप, राष्ट्रवादी, ठाकरे समर्थकांचा एक फुटीर गट निवडणूक लढवत आहेत. (Political News)

कोपरगाव मतदारसंघाचे राष्ट्रवादीचे विद्यमान आमदार आशुतोष काळे आणि पारंपरिक प्रतिस्पर्धी भाजपच्या माजी आमदार स्नेहलता कोल्हे यांचे समर्थकांनी या निवडणुकीत एकत्र पाहायला मिळत आहेत. त्यामुळे एकमेकांच्या सहकार्यासाठी तयार झालेल्या या अनोख्या युतीची चर्चा सध्या होत आहे.