सुशील थोरात

अहमदनगर : कार घेऊन फरार होत असलेल्‍या आरोपींना पोलिस ताब्‍यात घेत होते. यावेळ झटापट होवून आरोपीने पोलिसांवरच (Police) बंदूक रोखल्‍याची घटना घडली आहे. या प्रकारानंतर जिल्ह्यातील कायदा सुव्यवस्था ढासळल्याचे चित्र निर्माण झाले असून (Ahmednagar) गुंडांवर कोणाचा धाक राहिल्याचा दिसत नाही. (Maharashtra News)

जामखेड शहरात एका धक्कादायक घटना घडली असून काही गुंडांनी एका कार चालकाला डोक्याला बंदूक लावून कार पळवली असल्याची माहिती पोलिसांना मिळाली होती. हे आरोपी शोधण्यासाठी पोलीस जात असताना खर्डा रस्त्यावर एका हॉटेलसमोर तीन संशयित आरोपी बसलेले दिसताच पोलीसांनी त्यांना (Crime News) ताब्यात घेण्याचा प्रयत्न केला. मात्र यावेळी झटापट झाली. यामध्ये दोन पोलीस किरकोळ जखमी झाले.

पोलिसांकडून गोळीबार

यादरम्यान एका आरोपीने पिस्टलमधून पोलीसांवर गोळीबार करण्याचा प्रयत्न केला. यावेळी पोलीस निरीक्षक महेश पाटील यांनी स्वसंरक्षणासाठी आरोपीच्या पायावर गोळीबार केला. ही धक्‍कादायक घटना घडली असल्‍याने पोलीस दलात एकच खळबळ उडाली आहे.