अहमदनगर : अल्पवयीन मुलीवर अत्याचार केलेल्या आरोपीस २० वर्ष सक्तमजुरीची शिक्षा व दंडाची (Court) शिक्षा सुनावली आहे. दंड न भरल्यास १ महिना साधी कैदेची शिक्षा अतिरिक्त व विशेष (पोक्सो) जिल्हा व सत्र न्यायाधीश माधुरी मोरे यांनी ठोठावली आहे. (Live Marathi News)

तिसरीच्‍या वर्गात शिकणारी आठ वर्षीय अल्पवयीन मुलगी तिच्या घरासमोरील ओट्यावर खेळत होती. या दरम्‍यान आरोपी रशीद सरदार बेग (वय २८) याने मोबाईल खेळायला देतो; असे म्हणून तिच्या हाताला धरून घरी घेऊन आला. तिच्या असहाय्यतेचा गैरफायदा घेऊन तिच्यावर शारीरिक (Crime News) अत्याचार केला. हा प्रकार २४ सप्टेंबर २०२० रोजी झाला. पीडित मुलीने घडलेली घटना तिच्या आईला सांगितली. पीडित मुलीचे आईने एमआयडीसी पोलिसांना ही माहिती दिली. पोलिस तात्काळ घटनास्थळी आले.

आरोपीविरूद्ध दिली तक्रार

पीडितेच्या आईने दिलेल्या फिर्यादीवरून एमआयडीसी पोलिस ठाण्यात आरोपी रशीद बेग याच्याविरूद्ध अत्याचार आणि लैंगिक अपराधापासून बालकांचे संरक्षण करणारा कायदा २०१२ अन्वये गुन्हा दाखल करण्यात आला. पोलिस उपनिरीक्षक विनोद जाधोर यांनी गुन्ह्याचा तपास करून न्यायालयात दोषारोपपत्र दाखल केले.

बारा साक्षीदार तपासले

खटल्यामध्ये अॅड. मनिषा केळगंद्रे-शिंदे यांनी विशेष सरकारी वकील म्हणून कामकाज पाहिले. सरकार पक्षातर्फे १२ साक्षीदार तपासण्यात आले. ॲड. अॅड. मनिषा केळगंद्रे यांनी समाजात वाढणारी विकृती पाहता या प्रकरणामध्ये आरोपीस जास्तीत जास्त शिक्षा होणे गरजेचे आहे, असा युक्तीवाद केला. न्यायालयाने युक्तीवाद ग्राह्य धरून रशीद याला २० वर्ष सक्त मजुरीची शिक्षा आणि दंड, दंड न भरल्यास १ महिना साधी कैदेची शिक्षा ठोठावली. पैरवी अधिकारी म्हणून पोलिस अंमलदार भगवान वंजारे आणि आडसूळ यांनी सहकार्य केले.