अभिजित घोरमारे

भंडारा - ओबीसी समाजाच्या विविध मागण्या घेऊन ओबीसी क्रांती मोर्च्याच्या वतीने 'अर्धदफन' आंदोलन करण्यात आले आहे. भंडारा जिल्ह्यातील मांडगी गावात वैनगंगा नदीच्या पात्रात स्वताला वाळूत दफन करत हे एकदिवशिय आंदोलन ओबीसी क्रांती मोर्च्याचे संयोजक संजय मते यांच्या नेतृत्वात करण्यात आले. Agitation By OBC Kranti Morcha In Bhandara

हे देखील पहा -

यावेळी ओबीसी क्रांती मोर्च्याच्या पदाधिकाऱ्यांनी देखील स्वतःला दफन करत हे अनोखे आंदोलन केले. ओबीसींची जातीनिहाय जनगणना व्हावी, रद्द झालेले ओबीसी राजकीय आरक्षण परत मिळावे, नॉन क्रिमिलियरची अट रद्द करावी, ओबीसी समाजातील अधिकाऱ्यांना पदोन्नतीत आरक्षण मिळावे यासारख्या अनेक मागण्या आंदोलनावेळी करण्यात आल्या.

या सर्वच मागण्यांकडे सरकारचे लक्ष वेधुन घेण्यासाठी ओबीसी क्रांती मोर्च्याने हे अर्धदफन आंदोलन केले आहे. यावेळी आंदोलन स्थळी पोलिसांचा मोठा बंदोबस्त लावण्यात आला होता.

Edited By : Krushnarav Sathe