दापोली : जय भवानी....जय शिवाजी...छत्रपती शिवाजी महाराज की जय अशा जयघाेषात आज छत्रपती शिवाजी महाराज (chhatrapati shivaji maharaj) यांच्या अश्वारुढ पुतळ्याचं दापाेलीत (dapoli) राज्याचे पर्यावरण मंत्री आदित्य ठाकरे (aditya thackeray) यांच्या हस्ते अनावरण करण्यात आले. (aditya thackeray latest marathi news)

या पुतळ्याच्या अनावरण श्रेयवादाच्या कात्रीत रखडलं होतं. दापोलीचे आमदार योगेश कदम (mla yogesh kadam) आणि माजी आमदार सुर्यकांत दळवी (former mla suryakant dalvi) आणि राष्ट्रवादाचे माजी आमदार संजय कदम (former mla sanjay kadam) यांच्यातील वादात महाराजांच्या पुतळ्याचं अनावरण रखडलं होते. सुरुवातीला दोन वेगवेगळ्या तारखा देखील या अनावरणासाठी जाहीर झाल्या परंतु त्या रद्दही झाल्या हाेत्या. अखेर आदित्य ठाकरेंच्या उपस्थितीत पुतळ्याच्या अनावरणाचा आज मुहूर्त मिळाला.

दरम्यान गेल्या काही महिन्यांपासून शिवसेनेकडून डावलण्यात आलेले आमदार योगेश कदम हे सेनेच्या व्यासपीठावर पहायला मिळाले. यावेळी आमदार कदम यांच्या कार्यकर्त्यांनी जोरदार शक्तीप्रदर्शन केले. तसेच पोस्टरबाजी देखील करण्यात आली.

Edited By : Siddharth Latkar