चिपळूण : रिफायनरीच्या (refinery project) जमिनीबाबत पंतप्रधानांना पत्र लिहिलेले आहे का? या प्रश्नावर पर्यावरण मंत्री आदित्य ठाकरे (aditya thackeray) यांनी हाे असं उत्तर दिलं. आपल्याला चांगले प्रकल्प महाराष्ट्रात (maharashtra) हवे आहेत. हे प्रकल्प जेव्हा आपण आणत असतो तेव्हा स्थानिकांना विश्वासात घेऊनच आपण सर्व काही करू. दुसरं लोकेशन आणत असताना स्थानिक भूमीपुत्रांचे न्याय, हक्क कसे अबाधित राहितील. त्यांना विश्वासात घेऊनच आपण पुढे जाऊ असेही मंत्री ठाकरे यांनी येथे नमूद केले. (aditya thackeray latest marathi news)

चिपळूणमधील सावर्डेतील सह्याद्री स्कुल ऑफ आर्टला मंत्री ठाकरे यांनी भेट दिली. तेथील विद्यार्थ्यांशी, शिक्षकांशी त्यांनी संवाद साधला. तसेच (कै.) गोविंदराव निकम यांच्या समाधीस्थळी मंत्री ठाकरेंनी आदरांजली वाहिली. त्यानंतर माध्यमांशी बाेलताना आज पुन्हा एकदा मंत्री आदित्य ठाकरेंनी रिफायनरीबाबत भुमिका विषद केली.

मंत्री ठाकरे म्हणाले काेकणात माेठा प्रकल्प आणण्याचा आमचा मानस आहे. रिफायनरी प्रकल्पाची उभारणी करताना भूमिपुत्रांचा प्राधान्याने विचार केला जाईल. रिफायनरीतून भूमिपुत्रांना राेजगार मिळण्यासाठी प्राधान्य दिलं जाईल.

दरम्यान पंतप्रधान नरेंद्र माेदी (narednra modi) यांना पाठविलेल्या पत्रास उत्तर येण्यास दिरंगाई हाेत आहे असा प्रश्न मंत्री आदित्य ठाकरेंना माध्यमांनी विचारला असता त्यांनी त्याचे उत्तर केंद्र सरकारलाच विचारा असे म्हटलं.

Edited By : Siddharth Latkar