निकषांच्या पडताळणीमुळे लाडकींचा रखडलेला फेब्रुवारीचा हप्ता आणि या महिन्याचा म्हणजेच मार्च महिन्याचा हफ्ता लाडकीला दोन टप्प्यात देण्यात येतोय.....मात्र निवडणूक काळात मोठा गाजावाजा करत आम्ही १५०० चे २१०० करू असं दिलेलं आश्वासन मात्र अजूनही सरकारला पूर्ण करता आलं नाहीये....लाडकींनी महायुतीला भरभरून मतांनी निवडून दिले...मात्र निवडणूकांनंतर १५०० चे २१०० काही झाले नाही...आता नाही पण अर्थसंकल्पीय अधिवेशनात तरी सरकार दिलेला शब्द पाळेल असं वाटच असताना लाडकींच्या पदरी मात्र निराशाच पडली.

त्यामुळे आता विरोधकांना सरकारवर ताशेरे ओढण्यासाठी आयतं कोलीत हाती मिळालं असून...विरोधकांनीही लाडकीला २१०० कधी देणार या मुद्द्यावरून अधिवेशनात सरकारला चांगलंच घेरलंय. लाडकींना 2100 कधी, असा सवाल आमदार रोहित पवार यांनी केला.

दरम्यान विरोधकांच्या या आक्रमक प्रश्नांना उत्तर द्यायला महिला आणि बालकल्याण मंत्री अदिती तटकरे यांनी मात्र बचावात्मक पवित्रा घेत 2100 चा चेंडू मुख्यमंत्री, उपमुख्यंत्र्यांच्या कोर्टात ढकललाय.. '2100 चा निर्णय मुख्यमंत्री, उपमुख्यमंत्री घेतील, अशी प्रतिक्रिया मंत्री आदिती तटकरे यांनी दिली.

त्यामुळे आता फसवणार नाही मात्र 2100 देणार तरी कधी ? की महापालिकेच्या तोंडावर विधानसभेसारखाच डाव टाकत लाडकींना 2100 चं गाजर दाखवत राहणार हे पाहणं महत्त्वाचं ठरेल.