चेतन व्यास, वर्धा

Wardha News : तब्बल चार वर्षांपासून पोलिसांना हुलकावणी देत खुनाच्या गुन्ह्यात फरार असलेल्या आरोपीला कोम्बींग ऑपरेशन राबविताना अटक करण्यात आली. ही कारवाई पुलगाव पोलिसांनी केली. राया मुन वय 36 वर्ष, रा. हिंगणघाटफैल पुलगाव असे अटक केलेल्या आरोपीचे नाव आहे. (Latest Marathi News)

आरोपी राया याने ९ मे २०१९ रोजी मृतक सुरेश व्यंकट दाभणे याला जुन्या वादातून जबर मारहाण केली होती. यात सुरेशचा मृ़त्यू झाला होता. त्यामुळे आरोपी राया याच्याविरुद्ध खुनाचा गुन्हा दाखल करण्यात आला होता. (Wardha Crime News)

राया पोलिसांना चकमा देत फरार होता पोलीस त्याच्या शोधात होती. अखेर आरोपी राया हा बरांडा परिसरातून हिंगणघाट फैलकडे येत असल्याची माहिती पोलिसांना मिळाली. पोलिसांनी (Police) परिसरात सापळा रचून मोठ्या शिताफीने राया मून याला अटक केली.