- तबरेज शेख

Nashik Crime News : नाशिक जिल्ह्यात सात हजार रुपयांची लाच घेताना एसीबीने सहाय्यक पोलीस उपनिरीक्षकास रंगेहात पकडले. सहाय्यक पोलीस उपनिरीक्षकाची सध्या उपनगर पोलिस ठाण्यात नेमणूक हाेती. ही कारवाई जिल्हा रुग्णालयात गुरुवारी करण्यात आली. (Maharashtra News)

एसीबीकडून मिळालेल्या माहितीनूसार शहर पोलिस दलातील आणि उपनगर पोलिस स्टेशनमध्ये सहायक पोलिस उपनिरीक्षक सागर गंगाराम डगळे (वय ३८) याच्या विरुद्ध तक्रार आली हाेती. एका व्यक्तीवर गुन्हा दाखल आहे. या गुन्ह्याच्या तपासासाठी पुण्याला जाणे आवश्यक होते. पुणे येथे जाण्यासाठी लागणाऱ्या खाजगी वाहनाचा आणि जेवणाच्या खर्चासाठी लाचखोर डगळे याने १० हजार रुपयांच्या लाचेची मागणी केली.

यातील ७ हजार रुपयांची लाच स्वीकारताना त्याला रंगेहाथ पकडले. याप्रकरणी त्याच्यावर गुन्हा दाखल करण्यात आला आहे. ही कारवाई अनिल बागुल (पोलीस निरीक्षक) लाचलुचपत प्रतिबंधक विभाग, सापळा पथक पो. ना. किरण अहिरराव, पो. ना.अजय गरुड, पो.ना. चंद्रशेखर मोरे, लाचलुचपत प्रतिबंधक विभाग, नाशिक तसेच मार्गदर्शक श्रीमती शर्मिष्ठा घारगे-वालावलकर (पोलीस अधीक्षक, ला.प्र.वि, नाशिक परीक्षेत्र,नाशिक), नारायण न्याहाळदे (अप्पर पोलीस अधीक्षक, ला.प्र.वि, नाशिक परीक्षेत्र, नाशिक) यांनी केली.

Edited By : Siddharth Latkar