- अमर घटारे

Abu Azmi News : आज पुन्हा एक नटवरलाल देश विकू पाहतोय. देशात नवीन संविधान लिहणे सुरू आहे अशी टीका समाजवादी पार्टीचे प्रदेशाध्यक्ष व आमदार अबू आजमी यांनी पंतप्रधान नरेंद्र माेदी यांच्यावर केली. आमदार अबू आजमी अमरावती दौऱ्यावर होते. त्यावेळी एका सभेत त्यांनी माेदींवर निशाणा साधला. (abu azmi latest marathi news)

समाजवादी पार्टीचे प्रदेशाध्यक्ष व आमदार अबू आजमी यांची अमरावती (amravati) शहरात मुस्लिम भागात जाहिर सभा घेतली. यावेळी त्यांनी भाजपवर (bjp) टीका करत खळबळजनक व्यक्तव्य केले. आजमी म्हणाले देशात नवीन संविधान लिहणे सुरू आहे. तसेच नवीन संसद, राष्ट्रपती भवन, पंतप्रधान निवास तयार करणे सुरू आहे.

त्यामुळे जुनी संसद पाडण्याला विरोध केला पाहिजे या विरोधात उभे राहिले पाहिजे असं आवाहन समाजवादी पार्टीचे आमदार अबू आजमी यांनी केले. 15 लाख रुपये पंतप्रधान मोदी देणार होते, दोन करोड नोक-या देणार होते. काही दिलं नाही. देशात बेरोजगारी वाढली आहे.

देश बरबाद होत आहे याला जबाबदार पंतप्रधान नरेंद्र मोदी (pm modi) आहेत अशी टीकाही आजमी यांनी केली. दरम्यान आज पुन्हा एक नटवरलाल देश विकू पाहतोय अशी टीका अबू आजमी यांनी करुन देशाला वाचविणे गरजेचे असल्याचे आजमी यांनी म्हटले. (Maharashtra News)

Edited By : Siddharth Latkar