Abu Azmi : महाराष्ट्रात सध्या शिवकालीन घटनांवरुन वाद उकरले जात आहेत. अभिनेते राहुल सोलापूरकर यांनी आग्रा सुटकेवरुन शिवाजी महाराजांवर वादग्रस्त विधान केलं होतं. तर नागपूरच्या प्रशांत कोरटकर या व्यक्तीने इतिहास संशोधक इंद्रजीत सावंत यांना फोन करुन धमकी दिली होती. अशात अबू आझमी यांनी इतिहासाबद्दल केलेल्या एका वादग्रस्त वक्तव्याची चर्चा होत आहे.

संभाजी महाराजांच्या छावा चित्रपटला मोठा प्रतिसाद मिळतोय. या सगळ्या पार्श्वभूमीवर आता आमदार अबू आझमी यांनीही वादग्रस्त विधान केलंय. औरंगजेब हा क्रूर प्रशासक नव्हता, असं त्यांनी म्हटलंय.

अबू आझमींवर कारवाई करावी अशी मागणी आदित्य ठाकरेंनी केलीय... तर आझमींवर देशद्रोहाचा गुन्हा दाखल करावा असं उपमुख्यमंत्री शिंदेंनी म्हटलंय.. ऐतिहासिक घटनांच्या संदर्भावरुन राज्यात दुही निर्माण करण्याचा प्रयत्न केला जात आहे.. पण पुरोगामी महाराष्ट्र अशा प्रयत्नांना बळी पडणार नाही हे ही तेवढंच खरं .