- नवनीत तपाडिया

Aurangabad Crime News : औरंगाबाद शहरातील देवगिरी महाविद्यालयाच्या मुलींच्या वसतिगृहातील एका विद्यार्थिनीने (student) आपल्या खोलीत आत्महत्या केल्याची घटना उघडकीस आली आहे. या दरम्यान पोलिसांना सुसाईड नोट लिहून ठेवल्याचे सापडल्याने अभ्यासाच्या तणावातून आत्महत्या केल्याची प्राथमिक माहिती पोलिसांनी (police) दिली आहे.

आरती सर्जेराव कोल्हे (वय 19, रा. गुरुपिंप्री, ता घनसावंगी जि. जालना) असे मृत विद्यार्थिनीचे नाव आहे. 'मी खूप साधी आहे बारावीपर्यंत खेडेगावात शिकले. मला शहरी वातावरणाची सवय नाही. शहराशी जुळवून घेताना कुचंबना होते असे तिने चिठ्ठीत लिहिल्याचे पाेलिसांनी सांगितले. (Aarti Kolhe Passes Away)

आरतीने पुढे चिठ्ठीत माझे स्वप्न टाटा बिर्लांसारखे मोठे होण्याचे आहे. माझ्या मैत्रिणी चांगल्या आहेत. पण बीकॉम तीन वर्षांच्या आहे ते झेपेल की नाही याबाबत माझ्या मनात शंका आहेत असे देखील लिहिलं आहे. या घटनेचा अधिक तपास पाेलीस करीत आहेत.

Edited By : Siddharth Latkar