बीड : "डंके की चोट पर दहावा" म्हणत, बीडमध्ये एसटी कर्मचाऱ्यांनी अनोखं आंदोलन सुरू केलं आहे. आतापर्यंत शर्ट, बनेल काढून आंदोलन केले होते. मात्र, आज अंगावरील शर्ट, पॅन्ट, बनेल काढत शासनाचा निषेध नोंदवण्यासाठी चड्डी आंदोलन सुरू करण्यात आले आहे. गेल्या 10 दिवसांपासून बीड जिल्ह्यात संप सुरू असून याची दखल सरकार अन शासन घेत नाही.

हे देखील पहा-

याअगोदर देखील आम्ही आंदोलन केले आहे, अगोदर शर्ट काढले, नंतर बनेल काढली, आता पँट काढली आहे. त्यामुळे आता जर यानंतर दखल घेत नसेल, तर अंतरवस्त्र काढून आंदोलन करू. असा संतप्त इशारा यावेळी आंदोलक कर्मचाऱ्यांनी दिला आहे. आणि जर हे करूनही काही झाले नाही, तर सरकारने माजी आमदार- खासदारांचे पगार थांबवून त्यांचे एसटी महामंडळात दाखल करून घ्यावे. अन त्यांना आम्हाला जेवढा पगार दिला जातो तेवढाच द्यावा. अशी मागणी देखील यावेळी आंदोलकांनी केली आहे.

Edited By- Digambar Jadhav