Buldhana News: बुलढाणा येथील मुर्ती फाटा येथे काल (७ डिसेंबर) रोजी एक भीषण अपघात झाला. एका ट्रकने दुचाकीला जोरदार धडक दिली. यात दुचाकीस्वाराचा जागीच मृत्यू झाला आहे. तर ट्रक चालक गंभीर जखमी असून जिल्हा सामान्य रुग्णालयात त्यांच्यावर उपचार सुरु आहेत. (Latest Marathi News)

मिळालेल्या माहितीनुसार, संतोष जोशी असे ट्रक चालकाचे नाव आहे. तर गजानन दातार असे मृत पावलेल्या दुचाकी (Bike) स्वाराचे नाव आहे. बुलढाणा (buldhana) तालुक्यातील साखळी येथील संतोष जोशी आणि चिखली तालुक्यामधील सवणाचे गजानन दातार यांचे परडा शिवारात मेंढयांचे कळप आहेत. ते दोघे बुलढाणा येथून दुचाकीने जात होते. त्यावेळी मुर्ती फाट्यावर त्यांच्या वाहनांची एकमेकांना जोरात धडक बसली.

दोन्ही वाहनांची धडक इतकी भीषण होती की यात गजानन (वय५०) दुचाकीवरून रस्त्याच्या कडेला फेकले गेले. यात त्यांच्या डोक्याला जबर मार लागला होता. त्यामुळे ते जागीच ठार झाले. तसेच ट्रक चालक संतोष जोशी (वय ३२ ) हे गंभीर जखमी झाल्याने त्यांना स्थानिक ग्रामस्थांच्या मदतीने १०८ वाहनाने बुलढाणा येथे उपचारार्थ दाखल केले. जिल्हा रुग्णालयात त्यांच्यावर प्राथमिक उपचार करण्यात आले. या अपघातात संतोश यांच्या पायाचे आणि हाताचे हाड मोडले आहे. त्यामुळे त्यांना खाजगी रुग्णालयात दाखल करण्यात आले आहे.