बीड - गेल्या चार दिवसांपूर्वीचं बीडच्या शिवाजीनगर पोलीस (Police) ठाण्यातील दोघांना, लाच (Bribe) घेताना रंगेहाथ अटक केल्याची घटना ताजी असतानाच, आता सिरसाळा पोलीस ठाण्यातील एका पोलीस उप- निरीक्षकला लाच लुचपत प्रतिबंधक विभागाने लाच घेताना रंगेहाथ पकडलय. (Latest Beed News)

दाखल गुन्ह्यात मदत करण्यासाठी 25 हजाराची मागणी करून त्रास देणाऱ्या प्रकाश शेळके या पोलीस उपनिरीक्षका विरोधात बीडच्या लाच लुचपत प्रतिबंधक विभागाकडे तक्रार करण्यात आली होती. तक्रारीनंतर खात्री करून एसीबीने सापळा रचला. यादरम्यान तडजोडीअंती 10 हजार रुपये स्वीकारताना पोलिसांनी शेळके यास रंगेहाथ पकडले आहे.

दरम्यान यामुळं बीड जिल्हा पोलीस दलाला लाचखोरीचं ग्रहण लागल्याचं समोर आलं असून पोलीस अधिक्षक नंदकुमार ठाकूर यांचा वचक राहिला नसल्याचे चित्र आहे. चोर,दरोडेखोर यांच्यावर कारवाई करणे तर दूरच पण पोलिसच लुटारू सारखे वागू लागले आहेत.

अवैध धंदे करणाऱ्याकडून खा,प्या,मजा करा आणि हप्ते घेऊन गप्प बसा अशी भूमिका सध्या पोलिसांची आहे. त्यामुळे तीन दिवसात तीन लाचखोर पकडले गेले आहेत. यामुळं अशा लाचखोरांवर कडक कारवाई करा अन जिल्ह्यातील जनतेला चोर, दरोडे, अवैध धंद्यापासून मुक्ती द्या. अशी मागणी जिल्हावासीयांमधून होत आहे.

Edited By - Shivani Tichkule