कोल्हापूर : एकीकडे राज्यातील कोरोनाचा Corona या विषाणूचा प्रादुर्भाव कमी होत असल्याचे चित्र दिसून येत आहेत तर दुसरीकडे डेल्टा प्लस Delta Plus व्हेरिएंटमुळे कोरोना संक्रमणाचा धोका वाढला आहे. राज्यात गेल्या काही दिवसांपासून नव्या कोरोनाबाधित रुग्णांची संख्या कमी होत आहे. मात्र असे असले तरी गेल्या काही दिवसांपासून राज्यातील कोरोनाचा प्रादुर्भाव कमी झाला असल्याचे चित्र पहायला मिळत आहे. यामुळे कोल्हापुरकरांना सुद्धा दिलासा मिळाला होता. जिल्ह्यामधील जनजीवन पूर्वपदावर येत असतानाच आज जिल्ह्यात डेल्टा प्लस kolhapur district delta plus विषाणूंचे एकूण सहा 6 रुग्ण सापडले आहेत.

त्यापैकी कोल्हापूर शहरात 3 रुग्ण, हातकणंगलेमध्ये 2 रुग्ण आणि निगवे दुमाला येथे 1 रुग्ण सापडला आहे त्यामुळे या भागात खळबळ उडाली आहे. शहरात सापडलेल्या तीन डेल्टा प्लसच्या रुग्णांपैकी 1 रुग्ण विचारेमाळ येथील आहेत तर, दोन रुग्ण सानेगुरुजी वसाहतींतील आहेत.

प्रशासन जिल्ह्यात डेल्टा प्लसचे रुग्ण सापडल्याने अधिक सतर्क झाले आहे. हे रुग्ण राहत असलेल्या ठिकाणी सर्व नागरिकांची तपासणी tests करण्याचे आदेश आरोग्य विभागाला Health Department देण्यात आले आहेत.

दरम्यान, राज्यात डेल्टा व्हेरिएंटचे एकूण 66 रुग्ण आतापर्यंत आढळून आले आहे. यात डेल्टा प्लस व्हेरिएंटचे तीन विविध प्रकार असून त्यांना Ay.1, Ay.2 आणि Ay.3 अशी नावे देण्यात आली आहे. डेल्टा व्हेरिएंटचे म्युटेशन झाल्याने डेल्टा प्लसची निर्मिती झाली. आता डेल्टाच्या स्पाईक प्रथिनेमध्ये K417N नावाच्या अतिरिक्त म्युटेशनमुळे डेल्टा प्लस व्हेरिएंटमध्ये तयार झाला आहे.

Edited By-Sanika Gade