Satara News : साताऱ्यात चाळीस कबुतरांचा जळून मृत्यू झाला आहे. त्यामुळे पक्षीप्रेमींतून तीव्र संताप व्यक्त हाेऊ लागला आहे. अज्ञातांनी सदरबझार परिसरात रात्रीच्या सुमारास कबुतरांची ढाबळ पेटवून दिल्याने ही घटना (incident) घडली. (Maharashtra News)

शहरातील सदरबझार येथे लक्ष्मी टेकडी परिसर आहे. या परिसरात राजेंद्र जाधव यांची कबुतरांची ढाबळ आहे. त्यात पन्नास पेक्षा अधिक कबूतर होते. रात्री पावणेदहाच्या सुमारास अनोळखी व्यक्तीने कबुतराच्या या ढाबळीला आग (fire) लावली.

ही आग लागल्याचे समजताच जाधव यांनी आग विझविण्याचा प्रयत्न केला. मात्र, तोपर्यंत ढाबळ पूर्ण जळाली होती. या घटनेत चाळीस कबुतरांचा हाेरपळून जागीच मृत्यू झाला. आग कोणी लावली आहे याचा पोलिस (police) शोध घेत आहेत.

Edited By : Siddharth Latkar