बीड: शुल्लक कारणावरून एका 34 वर्षीय तरुणावर, अज्ञात 3 जणांनी प्राणघातक हल्ला केल्याची धक्कादायक घटना, बीडच्या (Beed) गेवराई जवळील जातेगाव रोडवर सोनवडी फाटा येथे घडली आहे. ज्ञानेश्वर संजय तेलुरे (वय- 34) असे हल्ला झालेल्या तरुणाचे नाव असून प्रकृती चिंताजनक असल्याने औरंगाबाद (Aurangabad) येथे खासगी रुग्णालयात (hospital) उपचार सुरू आहेत.

हे देखील पहा-

ज्ञानेश्वर संजय तेलुरे हा तरुण गेवराईकडून स्वतःच्या मोटारसायकलने आपल्या गावांकडे (village) परत जात असतांना, जातेगाव रोडवरील सोनवाडी फाट्यावर त्याला मद्यपान करणाऱ्या 3 लोकांनी बिस्लरी बॉटल (Bisleri water) फेकून मारली. दरम्यान ती बॉटल का मारली? याचा जाब ज्ञानेश्वर याने विचारल्याने मद्यधुंद अवस्थेत असलेल्या 3 तरूणांनी त्यांच्याकडे असलेल्या धारदार हत्याराने ज्ञानेश्वर याच्या अंगावर सपासप वार करण्यास सुरुवात केली.

यामध्ये तो रक्ताच्या थारोळ्यात पडलेल्या ज्ञानेश्वरला तसेच सोडुन हल्लेखोर फरार झाले आहेत. दरम्यान या घटनेने खळबळ उडाली असून गेवराई (Gevrai) पोलिसात गुन्हा दाखल करण्यात आला आहे. या प्रकरणाचा अधिक तपास पोलीस (Police) करत आहेत.

Edited By- Digambar Jadhav