हिंगोली : शेतकऱ्यांनी आत्महत्या केलेल्या बातम्या आपण सतत ऐकत असतो कधी कर्जामुळे कधी नापिकीमुळे हा बळीराजा आपलं आयुष्य संपवत असतो मात्र नुकतच लग्न झालेला आणि नव्या संसाराची सुरुवात केलेल्या शेतकऱ्याने आत्महत्या केल्याची एक दुर्दैवी घटना हिंगोली जिल्ह्यात (Hingoli District) घडली आहे.

हिंगोलीच्या सेनगाव तालुक्यात म्हाळसापुर येथील रहिवासी असणाऱ्या 27 वर्षीय तरुण शेतकऱ्याने (Farmer) गळफास घेऊन आत्महत्या केली असून आत्महत्या केलेल्या शेतकऱ्याचे नाव किसन अशोक मळेकर (Kisan Ashok Malekar) असं आहे.

11 महिनापूर्वीच झालेला विवाह -

किसन यांचा विवाह 11 महिन्यापूर्वीच झाला होता, मात्र आज सकाळी कुटुंबियांना शेतात जाऊन येत असल्याचे सांगत मळेकर यांनी त्यांच्याच शेतात असलेल्या झाडाला गळफास घेतल्याचे निदर्शनास आले.

दरम्यान घटनेची माहिती मिळताच सेनगाव पोलिसांनी तातडीने धाव घेत आत्महत्या केलेल्या शेतकऱ्याचा मृतदेह ताब्यात घेतला. किसन यांच्या मृत्यूचे कारण अद्याप स्पष्ट नसल्याचे पोलिसांनी सांगितले असून मृतदेह शवविच्छेदन करण्यासाठी रुग्णालयात पाठविला आहे.

Edited By - Jagdish Patil