- संजय राठोड

Yavatmal News : यवतमाळ जिल्ह्यात एका आश्रमशाळेतील 25 विद्यार्थ्यांना उलटी, मळमळ याचा त्रास जाणवू लागल्याने रुग्णालयात दाखल करण्यात आले आहे. प्राथमिक माहितीनूसार यापैकी 12 विद्यार्थ्यांची प्रकृती गंभीर बनली आहे. या सर्व विद्यार्थ्यांना विषबाधा झाल्याची माहिती प्राप्त हाेत आहे. (Maharashtra News)

यवतमाळच्या घाटंजी तालुक्यातील घोटी येथील युगनिर्माण आश्रम शाळेतील विद्यार्थ्यांनी शाळेतील जेवण केल्यानंतर 25 विद्यार्थ्यांना मळमळ उलटी ,ताप अस्वस्थ झाले. या विद्यार्थ्यांना घाटंजी येथिल शासकीय रुग्णालयात (hospital) दाखल करण्यात आले.

त्यातील 12 विद्यार्थ्यांची प्रकुती गंभीर असल्याने त्यांना यवतमाळ येथील शासकीय रुग्णालयात हलविण्यात आले आहे. या विद्यार्थ्यांवर उपचार सुरु करण्यात आल्या आहेत. तसेच उर्वरित विद्यार्थ्यांवर घाटंजी रूग्णालयात उपचार सुरू आहेत. या घटनेमुळे विद्यार्थ्यांचे पालक धास्तावले आहेत.

Edited By : Siddharth Latkar