Beed News: बीडच्या लिंबागणेश परिसरात भरदिवसा एकाच दिवशी 2 ठिकाणी घरफोडी झाल्याच्या घटना घडल्या आहेत. लिंबागणेश येथील 60 वर्षीय कमलबाई भगवान खिल्लारे या आपल्या नातीसह स्वतःच्या शेतात कामासाठी गेल्या होत्या. (Latest Marathi News)

सायंकाळी 5 वाजता घरी आल्या असता घराचे कुलूप तुटलेले व दार उघडे दिसले.घरातील सामान अस्ताव्यस्त पडलेले दिसले. तर यादरम्यान घरातील सोन्याचांदीच्या दागिन्यांसह रोख रक्कम लंपास केली आहे..

तर दुसरी घटना परिसरातील मुळूकवाडी येथे घडलीय. गावातील दासु भिमराव ढास हे शेतात काम करून सायंकाळी 7 वाजता घरी आले असता घराचे कुलूप तोडल्याचे दिसुन आले. यादरम्यान घरातील रोख 50 हजारासह व काही सोने चोरीला गेल्याचे दासु ढास व मंडुबाई ढास यांनी पोलिसांना सांगितले. (Beed News)

दरम्यान या दोन्ही चोरीच्या घटनानंतर नेकनूर पोलीस ठाण्याचे पोलीस निरीक्षक विलास हजारे यांच्यासह टीम घटनास्थळी दाखल झाली होते. सदरील घटनेचा पंचनामा नेकनूर पोलिसांनी केला असून याप्रकरणी नेकनूर पोलीस ठाण्यात अज्ञात चोरट्यांविरुद्ध गुन्हा करण्यात आला आहे.