बीड : बार्टीच्या माध्यमातून देण्यात येणारी फेलोशिप, एम फिलच्या 2 वर्षासह पीएचडीच्या 3 वर्षासाठी देखील देण्यात यावी. ही प्रमुख मागणी घेऊन गेल्या 10 दिवसांपासून, बीडच्या (Beed) परळीत (parli) बार्टीच्या विद्यार्थ्यांचे तहसील कार्यालयाच्या प्रांगणात बेमुदत साखळी उपोषण सुरू आहे. उपोषणाच्या 3 ऱ्या दिवशी सामाजिक न्याय मंत्री धनंजय मुंडेंनी या विद्यार्थ्यांची धावती भेट घेतली होती आणि या अधुऱ्या भेटीने, विद्यार्थ्यांनी आपली नाराजी माध्यमांशी बोलतांना सांगितली होती.

हे देखील पहा :

मात्र, आज उपोषणाच्या 10 व्या दिवशी सामाजिक न्यायमंत्री धनंजय मुंडे (Dhananjay Munde) यांनी, खास वेळ काढत या बसलेल्या विद्यार्थ्यांचे म्हणणे व मागण्यांवर सविस्तर चर्चा केलीय.धनंजय मुंडे यांनी विद्यार्थ्यास (Students) सकारात्मक निर्णय घेऊ असं सांगितल्याने, विद्यार्थ्यांनी तूर्तास 6 जानेवारी पर्यंत हे साखळी उपोषण मागे घेतले आहे.

मात्र, 6 तारखे पर्यंत मागण्या मान्य झाल्या तर हे उपोषण रद्द होईल, अन्यथा पुन्हा 7 तारखेला अधिक तीव्र स्वरूपाचे साखळी उपोषण करू. असा इशारा उपोषन कर्त्यांनी माध्यमांशी बोलतांना दिला आहे. दरम्यान बार्टीतील (BARTI) 194 विद्यार्थ्यांचे भवितव्य, हे 6 जानेवारीच्या बैठकीवर अवलंबून असून त्यामुळं कोणता निर्णय होणार? याकडे सर्वांचं लक्ष लागलं आहे.

Edited By : Krushnarav Sathe