भरत मोहळकर, साम प्रतिनिधी

विधानसभा निवडणूक जाहीर झाल्याने मनोज जरांगे चांगलेच आक्रमक झालेत. तर जरांगेंनी विधानसभेसाठीच्या आठरा पगड जातीच्या इच्छूकांची बैठक बोलावली होती. या बैठकीनंतर जरांगेंनी सोशल इंजिनिअरिंगच्या माध्यमातून महायुतीचं टेंशन वाढवणारा डाव टाकलाय. एवढंच नाही तर मराठे भाजपचा राजकीय एन्काऊंटर करणार असल्याचा इशाराच मनोज जरांगेंनी दिलाय.तर भाजपनेही जरांगेंना जोरदार प्रत्युत्तर दिलंय

एकीकडे भाजपने ओबीसी समुहाला एकत्र करत विविध जातसमुहांचे मेळावे घ्यायला सुरुवात केलीय. मायक्रो ओबीसींना आपल्याकडे वळवण्याची रणनीती भाजपने आखलीय. तर दुसरीकडे मनोज जरांगेंनीही सर्व जात आणि धर्माच्या समुहांना एकत्रित करत महायुतीला मात देण्याची रणनीती आखलीय. त्याचीच झलक इच्छूकांच्या बैठकीमध्ये पाहायला मिळाली. पाहूयात.जरांगेंची नेमकी रणनीती काय आहे?

जरांगे करणार भाजपचा एन्काऊंटर?

1) मराठा, दलित, मुस्लीम आणि आदिवासी समाजाची मोट बांधणार

2)ओबीसीतील छोट्या जात समुहांना एकत्र करत उमेदवारी देण्याची शक्यता

3) सर्व जातींची मोट बांधून जरांगे भाजपचं गणित बिघडवणार

4) लोकसभेप्रमाणेच विधानसभेला भाजपचा सुफडा साफ करण्यासाठी रणनीती आखणार

मनोज जरांगेंच्या बैठकीमध्ये उमेदवार निश्चितीबाबत चर्चा झाली नाही. मात्र 20 ऑक्टोबरच्या बैठकीत लढायचं की पाडायचं हे ठरवणार असल्याचंही जरांगेंनी म्हटलंय. मात्र जरांगेंनी थेट भाजपचा राजकीय एन्काऊंटर करण्याचा इशारा दिल्याने जरांगेंच्या निशाण्यावर फडणवीस असल्याचं स्पष्ट झालंय.. त्यामुळे 20 ऑक्टोबरच्या बैठकीकडे लक्ष लागलंय.