प्रत्येक जिल्ह्यात शिवरायांचं मंदिर उभारणार अशी घोषणा उद्धव ठाकरेंनी केल्यानंतर आधी मुंब्र्यात मंदिर उभारा असं आव्हान फडणवीसांनी दिलं होतं. त्यावर आता हा मुद्दा थेट पाकिस्तानापर्यंत पोहचलाय. नेमकं यावर कसं राजरकारण रंगलंय त्यावरचा हा रिपोर्ट....
विधानसभा निवडणुकीसाठी सर्वच पक्षांनी प्रचाराला सुरुवात केलीये...महायुतीनेही कोल्हापुरातून अधिकृतपणे प्रचाराचा नारळ फोडला. तर कोल्हापूरच्याच सभेत उद्धव ठाकरे यांनी एक मोठी घोषणा केली. महाराष्ट्रात सत्ता आल्यानंतर प्रत्येक जिल्ह्यात छत्रपती शिवाजी महाराजांचं भव्य मंदिर उभारणार असल्याचं जाहीर केलं. तर कोल्हापूरच्याच मैदानात फडणवीसांनी ठाकरेंना आधी मुंब्र्यात मंदिर उभारून दाखवा असं आव्हान दिलं.
मालवणच्या राजकोट किल्ल्यावरील शिवरायांचा कोसळलेल्या पुतळ्यावरून मविआ, महायुतीला घेरण्याची तयारी करत असल्याचं दिसतंय. त्यामुळेच राऊतांनी फडणवीसांवर जोरदार पलटवार करत मुब्र्यात काय पाकिस्तानातही मंदिर उभारू असा टोला लगावलाय. तर मी मुब्र्यात अनेक मंदिरं बांधली पण ढोल नाही वाजवला असा टोला आव्हाडांनी लगावलाय.
विधानसभा निवडणुकीच्या प्रचाराला नुकतीच सुरुवात झालीये. प्रचाराचं वातावरण आता कुठे तापू लागलंय..अशात विधानसभेचा प्रचार छत्रपती शिवाजी महाराजांच्याभोवती फिरणार यात शंका नाही. मात्र छत्रपतींवरुन राजकारण करण्यापेक्षा महाराजांच्या गडकिल्ल्यांचं संवर्धन करा अशी मागणी आता शिवप्रेमींमधून होऊ लागलीये.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.