सागर आव्हाड, साम प्रतिनिधी

पुढील पाच वर्षांत आणखी काही देता येईल ते देण्याचा प्रयत्न करणार. आता माझा पक्ष बारामतीला राज्यात नव्हे तर देशात एक नंबर करणार. जेजे नव ते बारामतीत हवं असे स्वप्न मी पाहिले एकच ध्यास बारामतीचा सर्वागीण विकास झाला पाहिजे, असं म्हणत अजित रवार यांनी आपल्या प्रचाराचा नारळ फोडला.

लोकसभेनंतर विधानसभेतही अख्या राज्याचं लक्ष बारामतीकडे लागलंय. बारामतीमध्ये चुरशीची लढत होणार असून येथे काका-पुतण्या अशी लढत होणार आहे. आज युगेंद्र पवार आणि अजित पवार यांनी आपआपला उमेदवारी अर्ज भरला. राज्याचे उपमुख्यमंत्री अजित पवार यांनी उमेदवारी अर्ज दाखल करताना बारामतीत मोठं शक्तीप्रदर्शन केलं. अर्ज भरताच त्यांनी प्रचाराचा नारळ फोडला. यावेळी जनतेला संबोधित करताना अजित पवार भावनिक झाल्याचं पाहायला मिळालं. कण्हेरी गावतील ग्रामदैवत मारुतीचे दर्शन घेऊन त्यांनी आपल्या प्रचाराला सुरुवात केली.

कन्हेरी मारुती रायला साक्षीने सांगतो मी प्रामाणिक काम केले. बारामती जनतेने टाकलेला विश्वासास तडा जावू न देता काम करतोय. दर वेळेप्रमाणे बारामतीकर माझ्या पदरात भरभरून मतांचे दान टाकतील. आज वसुबारस देशी गायीला राज्य मातेचा मान महायुतीने दिला आहे. पुढील पाच वर्षांत आणखी काही देता येईल ते देण्याचा प्रयत्न करणार. आता माझा पक्ष बारामतीला राज्यात नव्हे तर देशात एक नंबर करणार, असा विश्वास अजित पवार यांनी यावेळी व्यक्त केला.

आज मनापासून बारामतीकरानी स्वागत केलं. सर्व उत्साहात होते हा उत्साह 20 तारखेपर्यंत टिकवा. प्रत्येकाच्या जीवनात विकासाचा नवा प्रकाश आणणार. सर्व घटकांना एकत्रित घेऊन काम केलं जातं . बारामतीबद्दल आज सर्वाँना आपली वाटली पाहिजे. मुलासारखे बारामतीला मी जपलं आहे. सात निवडणुकीत मला निवडून दिलं. बोजा टाकल्याने मी पहाटेच खडबडून उठतो आणी कामाला लागतो असंही ते म्हणाले. लवकरच धनगर आणि मराठा आरक्षणाचा मुद्दा सोडवला जाणार असल्याची ग्वाहीही अजित पवार यांनी दिलीय.