मलिक राष्ट्रवादीचे अधिकृत उमेदवार आहेत. तर शिंदेंच्या शिवसेनेनंही उमेदवार दिल्यामुळे दादा आता महायुतीविरोधात मैदानात उतरले आहेत. पाहूयात यावरचा विशेष रिपोर्ट. भाजप आणि शिंदे गटानं जोरदार विरोध करूनही अजित पवारांनी नवाब मलिक यांना आपल्या पक्षाची उमेदवारी दिली. त्यामुळे शिवाजीनगर मानखुर्दच्या मैदानात शिंदे गटानं आपला उमेदवार मैदानात उतरवला.

मलिकांचा नव्हे तर शिवसेनेच्या उमेदवाराचा प्रचार करणार असल्याचं भाजपनं जाहीर केलं. त्यामुळे अजितदादा महायुतीतला वाद चव्हाट्यावर यायला नको म्हणून प्रचारापासून दूर राहणार का याकडे सर्वांचं लक्ष लागलं होतं....मात्र दादांनी मलिकांच्या प्रचारासाठी थेट रिंगणात उडी घेतलीय.

महायुतीत अजित पवार सहभागी झाल्यापासून नवाब मलिकांवरून महायुतीत खटके उडतायत. नुकतचं, आष्टी विधानसभा मतदारसंघाचे भाजपचे उमेदवार सुरेश धस यांनीही अजित पवारांच्या राष्ट्रवादीवर टीका केली होती. अजित पवारांच्या पक्षाच्या घड्याळाचे आधीच 12 वाजलेत. असं वक्तव्य धस यांनी केलं होतं.त्यामुळे महायुतीमधील वाद चव्हाट्यावर आला.

त्यामुळे अजितदादा भाजपसोबत सत्तेत राहूनही भाजपच्या विरोधाला झुगारतायत. दादा किंगमेकर ठरले तर हाच विरोध भाजपला सत्तेपासून दूर ठेवणार का ? आणि त्यामुळे राज्यात पुन्हा नव्या समीकरणांची जुळवाजुळव होणार का हेच पाहायचं