Ajit Pawar Marathi News : विधानसभा निवडणुकीचा प्रचार शिगेला पोहचलाय.प्रचारात आरोपाचा धुरळा उडलाय. दररोज नवनवे आरोप-प्रत्यारोप पहायला मिलत आहेत. त्यातच अजित पवारांनी पहाटेच्या शपथविधीच्या जुन्या मुद्यावर नवा मोठा गौप्यस्फोट

उपमुख्यमंत्री अजित पवार यांनी २०१९ मधील पहाटेच्या शपथविधीसंदर्भात पुन्हा एकदा मोठं विधान केलेय. साम टीव्हीसोबत बोलताना अजित पवार यांनी पुन्हा एकदा २०१९ मधील त्या घटनेबाबत वक्तव्य केलेय. भाजपसह सरकार स्थापन करण्यासाठी झालेली बैठक गेस्ट हाऊसवर झाल्याचं विधान अजित पवार यांनी केले. या सत्तास्थापनेच्या बैठकीला शरद पवार उपस्थित होते, असेही त्यांनी सांगितलेय.

पहाटेच्या शपथविधीवर अजित पवार यांनी गौप्यस्फोट केला होता. भाजपसोबतच्या सरकार स्थापन करण्याच्या बैठकीत पवार, अदानी, शाह, पटेल, फडणवीस हजर असल्याचं विधान अजित पवार यांनी केलेले.

काय म्हणाले अजित पवार ?

कोणत्या राज्याचा मुख्यमंत्री ठरवत असताना त्या राज्याचे नेते, त्या पक्षाचा हायकमांड जर दिल्लीला असेल तर त्यांचे नेते बैठकीला असतात.

एकदा एका गेस्ट हाऊसला मिटिंग झाली होती. त्या मिटिंगला शरद पवार होते. जे झालं ते झालं. २० तारखेच्या महाराष्ट्राच्या निवडणुकाचा मुद्दा नाही. त्यामुळे मी हा मुद्दा संपवलाय.