साताऱ्यातील पाटणमधील प्रचारसभेत शरद पवारांनी आज पुन्हा एकदा कॉलर उडवली. त्यामुळे कार्यकर्त्यांमध्ये एकच उत्साह पहायला मिळाला. शरद पवारांचं भाषण संपल्यानंतर कार्यकर्त्यांमधून आवाज आला आणि शरद पवारांनी कॉलर उडवली. शरद पवारांनी साताऱ्यात अनेकवेळा कॉलर उडवली आहे. लोकसभा निवडणुकीच्या पार्श्वभूमीवर शरद पवार आज सातारा जिल्ह्याच्या दौऱ्यावर आहेत. सातारा लोकसभा महाविकास आघाडीचे उमेदवार शशिकांत शिंदे यांच्या प्रचारार्थ पाटणमध्ये सभा झाली. या सभेत संबोधित करताना त्यांनी अनेक मुद्द्यांवर भाष्य केलं.

सातारा जिल्हा देशाचा आगळा वेगळा जिल्हा आहे. या जिल्ह्यातील लोकांणी स्वातंत्र्यासाठी लढा दिला. स्वातंत्र्यलढ्यात अनेकांचं योगदान आहे. यशवंतराव चव्हाण यांना भारत भूषण द्या, अशी मागणी होतं आहे. त्याचा आनंद आहे. पण यशवंतराव चव्हाण प्रतिष्ठान ही संस्था आहे. चव्हाण यांचं स्मारक मुंबईत आहे. संसदेतही चव्हाण यांचा फोटो आहे. अशा अनेक गोष्टी यशवंतराव चव्हाण यांच्या कार्याची नोंद व्हावी, यासाठी केल्या आहेत. पण हा विषय निवडणुकीचा मुद्दा म्हणून आम्ही केला नाही, असं शरद पवार म्हणाले.

मोदींनी स्वतः काय केलं ते सांगाव?

यावेळी शरद पवारांनी, नरेंद्र मोदींच्या राज्यात महागाई, बेरोजगारी वाढली, भारतात 100 पैकी 87 तरुणांना काम नाही. स्वतः काय केलं ते मोदी सांगत नाहीत, अशी घणाघाती टीका केली.

कितीही गुन्हे दाखल करा पवारांची साथ सोडणार नाही; शशिकांत शिंदे

आम्ही गादीचा मान ठेवत तीन वेळा खासदार केलं, मात्र छत्रपतींच्या स्मारकाचं काय झालं?, असा सवाल शशिकांत शिंदे यांनी उपस्थित केला. यावेळी त्यांनी महाविकास आघाडी आणि इंडिया आघाडीसाठी राज्यात आणि देशात चांगलं वातावरण आहे, चांगला प्रतिसाद मिळत असल्याचं सांगत भाजप आणि नरेंद्र मोदींवरही निशाणा शाधला. राज्य आणि केद्र सरकारविरोधात रोष दिसून येत आहे. दरम्यान त्यांनी अजून कितीही गुन्हे दाखल करा मात्र शरद पवारांची साथ सोडणार नसल्याचा निर्धार केला.