लोकसभेचा निकाल एनडीएच्या बाजूने लागला असून केंद्रात येत्या दोन तीन दिवसात सरकार स्थापन होण्याची शक्यता आहे. मात्र त्याआधी राहुल गांधींनी पंतप्रधान नरेंद्र मोदी, गृहमंत्री अमित शहा आणि अर्थमंत्र्यांवर गंभीर आरोप केले आहेत. निकालाला दिवशी शेअर मार्केट कोसळला होता. त्यावरून पंतप्रधानांनी ५ कोटी लोकांना स्टॉक खरेदी करण्याचा आदेश का दिला होता? असा सवाल त्यांनी पत्रकार परिषदेत उपस्थित केला आहे.

४ जूनला निवडणुकीच्या निकालादिवशी शेअर मार्केट कोसळला होता. त्यामुळे अनेक गुंतवणूकदारांना मोठा फटका बसला. देशातील ५ कोटी लोकस शेअर मार्केटमध्ये गुंतवणूक करतात. तरीही या दिवशी पंतप्रधान नरेंद्र मोदी यांनी शेअर मार्केटमध्ये गुंतवणूक करायला का लावली? असा सवाल राहुल गांधींनी केला आहे.

नरेंद्र मोदींनी दोन चॅनलला मुलाखती दिल्या. या प्रकरणात त्या चॅनलचा रोल काय आहे?. लोकसभा निवडणुकीचे एक्झिट पोल समोर आले होते. त्यात परदेशातील गुंतवणूक वाढली होती त्यामुळे त्या एक्झिट पोलमध्ये भाजपचा संबंध काय आहे? या घोटाळ्याची जॉइंट पार्लमेंटरी कमिटीने (JPC) चौकशी केली पाहिजे, अशी मागणी राहुल गांधी यांनी केली आहे.

लोकसभा निवडणुकीच्या निकालाआधी २ जूनला एक्झिट पोलचे आकडे समोर आले होते. तेव्हा शेअर मार्केटने अचानक उसळी घेतली होती. मात्र, निकालादिवशी शेअर मार्केट अचानक कोसळला. मात्र त्याआधी पंतप्रधान नरेंद्र मोदी, गृहमंत्री अमित शाह आणि अर्थमंत्री निर्मला सीताराम यांनी ५ कोटी लोकांना शेअर खरेदी करण्याचे आदेश दिले होते. असा दावा राहुल गांधी यांनी पत्रकार परिषदेत केला. त्यामुळे तब्बल ३० लाख कोटींच नुकसान झालं. हा देशातील सर्वात मोठा घोटाळा असून याचं सत्य लोकांसमोर आलं पाहिजे असं राहुल गांधी यांनी म्हटलं आहे.