Ratnagiri Sindhudurg Lok Sabha Election :

रत्नागिरी- सिंधुदूर्ग लाेकसभा मतदारसंघात प्रस्थापित नेत्यांनी म्हणजेच नारायण राणे आणि विनायक राऊत यांनी काही केलेले नाही. त्यामुळे यंदा काेकणी जनता प्रस्थापित नेत्यांना स्विकारणार नाही असा विश्वास कोकण प्रादेशिक पक्षाचे अध्यक्ष ओवेस पेचकर यांनी माध्यमांशी बाेलताना व्यक्त केला. (Maharashtra Lok Sabha Election News in Marathi)

कोकण प्रादेशिक पक्षाचे अध्यक्ष ओवेस पेचकर म्हणाले काेकणातील जनता प्रस्थापित नेत्यांना कंटाळली आहे. नारायण राणेंचा दोनदा आमदारकिला पराभव झाला आहे. या परिवाराला कोकणातील जनतेने नाकारलं आहे. नारायण राणे यांना उमेदवारी देऊन भाजपने त्यांचा करेक्ट कार्यक्रम केलेला आहे. त्यांनाही खात्री आहे की राणे निवडून येणार नाहीत. इकडचे स्थानिक नेते सामंत बंधू तेही त्यांना मदत करणार नाहीत अशी आमची माहिती आहे असे पेचकर यांनी नमूद केले.

पेचकर पुढे बाेलताना म्हणाले आमचे मुख्य प्रतिस्पर्धी विनायक राऊतच आहेत. 10 वर्ष राऊत यांनी काहीच काम केलेलं नाही. त्यामुळे कोकणची जनता 100 टक्के आमच्या सोबत आहे असा विश्वास पेचकर यांनी व्यक्त केला. यावेळी शकील सावंत यांच्यासह पदाधिकारी व कार्यकर्ते उपस्थित हाेते.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar