Hemant Godse Saam Tv
लोकसभा २०२४

Hemant Godse: नाशिकमध्ये हेमंत गोडसेंचा पराभव का झाला? गोपनीय अहवाल भाजपच्या वरिष्ठांकडे रवाना

Hemant Godse Lok Sabha Defeat Report Sent To BJP Seniors: नाशिक लोकसभा मतदारसंघात भाजप उमेदवार हेमंत गोडसे यांचा पराभव झाला आहे. त्यांच्या पराभवाचा गोपनीय अहवाल भाजपच्या वरिष्ठांकडे रवाना करण्यात आला आहे.

Rohini Gudaghe

अभिजीत सोनवणे, साम टीव्ही नाशिक

नाशिक लोकसभा मतदारसंघात महाविकास आघाडीचे राजाभाऊ वाजे यांनी विजयाचा गुलाल उधळला, तर महायुतीचे उमेदवार हेमंत गोडसे यांचा दारूण पराभव झाला आहे. त्यांच्या पराभवाचा गोपनीय अहवाल भाजपच्या वरिष्ठांकडे रवाना झाल्याची माहिती मिळत आहे. हेमंत गोडसे यांचा नाशिकमध्ये पराभव का झाला, या कारणांचा शोध घेतला जात आहे.

नाशिकमध्ये (Nashik Politics) भाजपचे ३ आमदार, ६५ माजी नगरसेवक असतानाही शहरात गोडसेंची पिछेहाट झाली आहे. त्यामुळे नाशिकमध्ये भाजपला मोठा धक्का बसला आहे. आता नाशिकमध्ये हेमंत गोडसेंचा पराभव नेमका का झाला? याचा शोध घेतला जात आहे. तर शिंदे सेनेकडूनही पराभवाच्या कारणांचा विश्लेषण केलं जात असल्याची माहिती मिळत आहे.

नाशिकमध्ये महायुतीकडून हेमंत गोडसेंची (Hemant Godse) उमेदवारी जाहीर करण्यात आली होती. त्यामुळे गोडसेंच्या उमेदवारीला झालेला विलंब, अँन्टी इन्कम्बन्सी, विरोधी उमेदवाराला प्रचारासाठी मिळालेला अधिकचा कालावधी, अशी काही कारणे समोर येत आहेत. यासोबतच अन्य कारणांसोबत गोडसेंच्या पराभवाचा अहवाल भाजपच्या (BJP) वरिष्ठांना सादर केला जाणार आहे. या लोकसभा निवडणुकीत नाशिकमध्ये गोडसेंना मित्र पक्षांची मदत झाली की नाही, यासह अन्य कारणांवर विश्लेषण केलं जातं आहे. येत्या एक ते दोन दिवसात या सर्व माहितीचा मुख्यमंत्र्यांना अहवाल सादर केला जाणार असल्याची माहिती मिळत आहे.

उमेदवारी उशीरा जाहीर झाली. अनेक स्पर्धक तयार झाले होते. मात्र उमेदवारी देण्यास विलंब झाल्यामुळे फटका बसला. शेतकऱ्यांच्या धोरणामुळे काही प्रमाणात नाराजी ग्रामीण भागात होती, कांद्याचा प्रश्न नाशिकमध्ये गंभीर झाला (Lok Sabha Election 2024) होता. संपूर्ण राज्यात याची अनुभूती दिसल्याची प्रतिक्रिया हेमंत गोडसेंनी निकाल जाहीर झाल्यानंतर दिली होती. लवकर उमेदवारी जाहीर झाली असती तर निकाल वेगळा असता, असं देखील हेमंत गोडसे यांनी सांगितलं आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Airtel: घरात वाय-फाय समस्या? फक्त ९९ रुपयांमध्ये घरभर हाय स्पीड इंटरनेट

Todays Horoscope: 'या' राशींसाठी महत्त्वाचे निर्णय मार्गी लागतील; वाचा राशीभविष्य

Ganpati Visarjan 2025: अनंत चतुर्दशीच्या दिवशी बनतोय दुर्मिळ संयोग; 'या' गोष्टी दान करणं मानलं जातं शुभ

Bhiwandi Accident: देवदर्शनावरून घरी परतताना काळाचा घाला; मुंबई-नाशिक महामार्गावर दुचाकीचा अपघात, बापलेकीचा मृत्यू

Leopard Attack: मैत्रीला जागला...! बिबट्याचा कुत्र्यावर हल्ला, श्वानाच्या निडर मैत्रीसमोर बिबट्याची माघार Video Viral

SCROLL FOR NEXT