मुंबई : लोकसभा निवडणुकीच्या संपूर्ण सात टप्प्यांची मतदान प्रक्रिया पूर्ण झाली आहे. आज शनिवारी सातव्या टप्प्याचं मतदान झालं. त्यानंतर देशासहित दक्षिण भारतातील जागांचे एक्झिट पोल समोर आले आहेत. यामध्ये एक्झिट पोलमध्ये तामिळनाडूमध्ये राष्ट्रीय लोकशाही आघाडीला (NDA)जागा दाखवण्यात आल्या आहेत.

कर्नाटक -

एबीपी- सी व्होटर

एनडीए - २३

इंडिया - ४

इतर - १

केरळ

एबीपी - सी व्होटर

एनडीए - २

इंडिया - १८

इतर - १

तामिळनाडू -

एबीपी -सी व्होटर

एनडी - २

इंडिया - ३७

इतर - ००

आंध्र प्रदेश

एपीबी सी-व्होटर

एनडीए - २२

इंडिया - ००

इतर -००

दक्षिण भारतातील जागांचे एक्झिट पोलचा अंदाज समोर आला आहे. यावर सकाळ समूहाचे संचालक संपादक श्रीराम पवार यांनी महत्वाचं मत व्यक्त केलं आहे. श्रीराम पवार म्हणाले, 'दक्षिण भारतात केरळ आणि तामिळनाडूमध्ये भाजपला अधिक जागा मिळतील, अशी अपेक्षा कोणाची नाही. तिथे त्यांनी खाते उघडले तरी खूप झालं. जागा किती मिळाल्या, यापेक्षा भाजपची मतसंख्या वाढेल, हे मोठं आहे. यामुळे पुढील समीकरण बदलण्यास सुरुवात होईल. दोन्ही राज्यात किती जागा मिळतात, हे बघावे लागेल'

'चंद्रबाबू नायडू आणि भाजप हे फार काळ जमणारे समीकरण नाही. दोघे कायमस्वरुपी सोबत राहतील, याची शक्यता नाही. चंद्रबाबू नायडू यांच्याशी जुळवून घेतलं हे भाजपचं शहाणपण होतं. त्यामुळे यश मिळताना दिसत आहे. यातील धक्का देणार कल हा, कर्नाटकातील आहे. कर्नाटकात २४ जागा , या जागा अधिकच्या वाटत आहे. जर खरं झालं तर धर्मनिरपेक्ष जनता दलाशी जुळवून घेण्याची रणनीती यशस्वी झाली, असं म्हणावं लागेल, असे श्रीराम पवार म्हणाले.