Aaditya Thackeray On CM Eknath Shinde:

>> संजय गडदे

''त्यांना (शिंदे गटाला) नऊ सीट मिळाल्या. त्यातील पाच बदलल्या. ज्यांचे सीट बदलल्या, त्यांची अवस्था काय झाली असेल. पाच वेळा खासदार झालेल्या ताईंची (भावना गवळी) सीट काढून घेतली,'' असं म्हणत ठाकरे गटाचे नेते आणि आमदार आदित्य ठाकरे यांनी मुख्यमंत्री एकनाथ शिंदे यांच्यावर टीका केली आहे. आज गोरेगाव आझाद मैदानात ठाकरे गटाची प्रचार सभा पार पडली. याच वेळी ते असं म्हणाले आहेत.

केंद्रातील भाजप सरकारवर टीका करत आदित्य ठाकरे म्हणाले की, जगभराने सांगितले की, नोटाबंदी फेल झाली. आज दहा वर्षांनी सांगा की नोटाबंदीचा काय फायदा झाला. लदाखमध्ये 370 कलम हटवला आम्हाला वाटलं चांगले दिवस येतील. लदाखमध्ये अजूनही आंदोलन सुरू आहेत.

ते म्हणाले, महागाई कमी झाली का? 2014 मध्ये गॅसची किंमत किती होती? पेट्रोल आणि डिझेलची किंमत किती होती आणि आता किती आहे. तुमच्या मतांवर ठरणार आहे की, हा देश कुठे जाणार आहे.'' आदित्य ठाकरे म्हणाले, नेहरूंनी काय केलं आणि कोणी काय केलं, हे पन्नास वर्षांपूर्वीच भांडत आहेत. भूतकाळावर किती दिवस बोलणार.

ठाकरे गटाचे उमेदवार अमोल कीर्तिकर यांना ईडीने नोटीस बजावली आहे. यावर बोलताना आदित्य ठाकरे म्हणाले की,''अमोल कीर्तिकर हे घाबरलेले नाहीत वाघ आहेत आणि ते दिल्लीत जाणार म्हणजे जाणार. दक्षिण भारताने भाजपसाठी दरवाजे बंद केले आहेत. केरळ कर्नाटकने दरवाजे बंद केले असून ते म्हणत आहेत की 400 पार करणार.''

मुख्यमंत्री एकनाथ शिंदे यांची केली मिमिक्री

मुख्यमंत्री एकनाथ शिंदे यांची मिमिक्री करत आदित्य ठाकरे म्हणाले, ''एक खासदार आहेत, त्यांना उद्धव ठाकरे यांनी पाच वेळा तिकीट दिलं आणि त्यांना खासदार बनवलं. त्यांना यावेळी तिकीटचे सुद्धा दिले नाही. आज त्या ताई विचार करत असतील की, ज्यांना दिली सात त्यांनीच केला घात.''