>> अक्षय गवळी

Akola Lok Sabha Constituency:

अकोल्यात 3 तारखेला भाजपचे उमेदवार अनुप धोत्रे नामांकन अर्ज भरणार आहेत. यासाठी भाजपचे दिग्गज नेते उपस्थित राहणार असून अकोला जिल्हाधिकारी कार्यालय रस्त्यावर रस्त्याच्या मधोमध भाजपने एक स्टेज उभारल्या जात होतं. जेणेकरून या स्टेजवर भाजपच्या नेत्यांना उभे राहता येईल. आता या स्टेजवरून वंचितनं निवडणूक आयोगालाच इशारा दिलाय.

भाजपाला स्टेज उभारू दिल्यास आम्हीही जिल्हाधिकारी कार्यालयावर सभा घेऊ, असा थेट इशारा वंचितनं निवडणूक आयोगाला दिला. त्यानंतर निवडणूक आयोगाने याची दखल घेत स्टेज काढण्यासाठी आदेश दिले. यानंतर भाजपकडून थोड्या वेळातचं उभ केलं जाणार स्टेज काढण्यात आलंय. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मिळालेल्या माहितीनुसार, अकोला जिल्हाधिकारी कार्यालय रस्तावर रस्ता अडवून स्टेज उभारलं होतं. भाजप उमेदवाराच्या नामकांनसाठी मुख्यमंत्री, उपमुख्यमंत्री आणि डझनभर भाजप नेत्यांसाठी हा रस्त्यावर स्टेज उभारला जात होता. आचारसंहिता केवळ इतर पक्षा साठी आहे का? अशी सवाल वंचितकडून प्रदेश प्रवक्ते राजेंद्र पातोडे यांनी उपस्थित केला. तसेच सिव्हिजील' ॲपवर तक्रार दाखल केली. लागलीच निवडणूक विभागाने स्टेज काढून टाकण्याचे आदेश दिले.  (Latest Marathi News)

निवडणूक नामनिर्देशन पत्र दाखल करण्यासाठी 3 तारखेला भाजप उमेदवार मुख्यमंत्री, उपमुख्यमंत्री आणि डझनभर महायुतींच्या नेत्यांसाठी थेट रस्त्यांवर स्टेज उभारला जात होतं. यापूर्वी कुठल्याही राजकीय पक्षासाठी थेट रस्त्यांवर स्टेज उभारण्याची परवानगी प्रशासनाने दिली नव्हती. सत्ताधारी भाजपसाठी नियम धाब्यावर बसवून सुरू असलेले स्टेजबाबत वंचितन तक्रार दाखल केली. भाजपला जर स्टेज उभारू दिला तर 'आम्ही पहिली सभा जिल्हाधिकारी कार्यालय येथे नियोजन भवनात घेऊ आणि कुठलीही परवानगी घेणार नाही. असा इशारा देताच निवडणूक विभागाने तातडीने स्टेज काढून टाकण्याची कार्यवाही केली.

दरम्यान, आम्ही स्टेज उभारलं होतं, पोलिसांनी विनंती केली, त्यानंतर आम्ही हे स्टेज काढलं आहे. वाहतुकीची कोणतीही कोंडी होणार नाही, याचा विचारही केला जाणार असल्याचं मत भाजपचे आमदार रणधीर सावरकरांनी व्यक्त केलंय.