Yamaha New Scooter Launch : Yamaha Motor India ने Aerox 155 चे अपडेटेड व्हर्जन लॉन्च केले आहे. कंपनीने 2023 Yamaha Aerox 155 लाँच केले आहे ज्याची एक्स-शोरूम किंमत 1,42,800 रुपये आहे. नवीन मॅक्सी-स्कूटर OBD-2 अनुरूप आहे आणि ट्रॅक्शन कंट्रोल सिस्टम (TCS) सारख्या उत्कृष्ट फीचर्ससह आहे.

यामाहाची नवीन स्कूटर नवीन रंगसंगतीसह आली आहे. Aerox 155 च्या नवीन मॉडेलमध्ये चार कलर व्हेरियंट उपलब्ध असतील. यामध्ये मेटॅलिक ब्लॅक, रेसिंग ब्लू, ग्रे वर्मिलियन आणि मेटॅलिक सिल्व्हर (नवीन) रंगांचा समावेश आहे. याची स्पर्धा Aprilia SXR 160 शी होईल. दुचाकी कंपनीने (Company) मोटोजीपी आवृत्ती बंद केली आहे.

कार्यक्षमतेच्या बाबतीत, 2023 Aerox 155 मध्ये 155cc सिंगल सिलेंडर, लिक्विड-कूल्ड, इंधन-इंजेक्‍टेड इंजिन आहे. भारतात (India) उत्सर्जनाचे नवीन नियम (Rules) लागू झाले आहेत. त्यामुळे इंजिन OBD-2 अनुरूप बनवण्यात आले आहे. स्कूटर सीव्हीटीसह येते आणि यामाहाचे व्हीव्हीए तंत्रज्ञान देखील मिळेल.

ट्रॅक्शन कंट्रोल युनिट व्यतिरिक्त, यामाहा एरोक्समध्ये ऑल-एलईडी हेडलॅम्प, डिजिटल इन्स्ट्रुमेंट क्लस्टर, ब्लूटूथ कनेक्टिव्हिटी यांसारखी अनेक फीचर्स मिळतील. याशिवाय इंधन वापर ट्रॅकर, मेंटेनन्स शिफारस, पॉवर सॉकेट, 24.5 लीटर अंडर सीट स्टोरेज, मोठे अलॉय व्हील यांसारखे फीचर्स देण्यात आले आहेत.

Yamaha Aerox 155 ला समोरच्या बाजूला टेलिस्कोपिक फॉर्क्स आणि मागील बाजूस ट्विन-स्प्रिंग लोडेड शॉक शोषक मिळेल. ब्रेकिंगसाठी, नवीन मॅक्सी स्कूटरच्या पुढील बाजूस डिस्क ब्रेक आणि मागील बाजूस ड्रम ब्रेक आहेत. याशिवाय सिंगल चॅनल अँटी-लॉक ब्रेकिंग सिस्टम (ABS) चा सपोर्टही मिळेल.

डिस्क्लेमर: सदर लेख फक्त सामान्य माहितीसाठी आहे. याचा आमच्याशी कोणताही संबंध नाही.