New Delhi: मच्छर पळवून लावणाऱ्या कॉईलच्या धुराने गुदमरून एकाच कुटुंबातील सहा जणांना मृत्यू झाल्याची दुर्दैवी घटना दिल्लीत घडली. मृतांमध्ये चार पुरुष, एक महिला आणि एक दीड वर्षाचा मुलगा आहे.

तर घरातील दोन सदस्यांची प्रकृती गंभीर असल्याचे सांगण्यात येत आहे. मच्छर पळवून लावण्यासाठी अनेकजण घरात अशी कॉईल लावत असतात. मात्रआपणही अशा चुका केल्या तर ही कॉईल अत्यंत जीवघेणी ठरु शकते.  (Latest Marathi News)

तुम्ही जर मच्छर कॉईल जाळून झोपत असाल काळजी घेतली पाहिजे. घरात मच्छर कॉईल जाळणं हे तर एक सामान्य गोष्ट झाली आहे. या मच्छर कॉईलचे धोके देखील समजून घेतले पाहिजे. जेणेकरून आपल्याला त्यामुळे होणाऱ्या संभाव्य धोक्यांचा अंदाजही येईल.

मच्छर कॉईलमध्ये डीडीटी आणि काईबन फॉस्फरसचा समावेश असतो. बंद रुमध्ये कॉईल जाळल्यास त्यातील गॅस रुममध्ये अडकून राहतो. कॉईल जळत राहिल्याने कार्बन मोनॉक्साईडचं वाढलेलं प्रमाण घातक बनतं.

कार्बन मोनॉक्साईड ऑक्सिजनची मात्रा घटवतं. हळूहळू कार्बन मोनॉक्साईड शरीरात जाऊन श्वास घ्यायला त्रास होतो आणि दम लागलो. त्यातून गुदमरुन जीव जाण्याची भीतीही निर्माण होते. एका रिपोर्टनुसार एक कॉईल 100 सिगरेट्सइतकं खतरनाक असतं.

घरातील लहान मुलांपासून मच्छर कॉईल लांबच ठेवायला हवी. इतकंच नाही तर घरात शक्यतो मच्छर कॉईल जाळणं टाळावंच असंही आवाहन जाणकारांकडून केलं जात आहे. कारण मरच्छरचा जीव घेण्याचा नादात आपणच स्वतःच्या मृत्यूला आमंत्रण देण्याची शक्यता जास्त असते.