पूर्वीच्या काळात महिला प्रेग्नेंट असताना आणि अन्य फावल्या वेळात सतत शिवणकाम किंवा विणकाम तसेच विविध पेंटींग्स काढण्याचे काम करायच्या. अशा पद्धतीने अनेक जुणी माणसं आपला बराच वेळ यात घालवत होते. काही महिला मनोरंजन म्हणून देखील याकडे पाहत होत्या. आर्ट अँड क्राफ्टमध्ये आपला जास्त वेळ घालवणाऱ्या महिला तसेच अन्य व्यक्तींचे मानसिक स्वास्थ चांगले असते, असं एका संशोधनातून समोर आलं आहे.

शिवणकाम आणि विणकाम ही अशी कामे आहेत ज्यात व्यक्तीचं मनोरंजन होतं. तसेच मानसिक ताण कमी होतो. असे काम करणाऱ्या व्यक्ती आपल्या आयुष्यात कायम समाधानी आणि संतुष्ट असतात. ब्रिटनमध्ये ७,००० हून अधिक व्यक्तींवर या बाबत संशोधन करण्यात आलं आहे.

आर्ट आणि क्राफ्टने मन आनंदी कसं होतं?

तणाव दूर होतो

ज्या व्यक्ती विणकाम आणि शिवणकाम करतात किंवा आर्टशी संबंधित काही करतात तेव्हा त्यांना एक वेगळी ऊर्जा मिळते. हे काम करताना व्यक्ती आपला पूर्ण वेळ यामध्ये घालवतात. त्यामुळे हे काम करताना त्यावरच फोकस असतो. यावेळी मनात येणारे अन्य विचार दूर जातात. मन एकाग्र होतं आणि यातून मेडिटेशन घडतं. त्यामुळे ही कामे मानसिक शांतता देतात.

बुद्धीला चालना

आर्टमध्ये कायम बुद्धीला चालना मिळते. येथे तुम्ही तुम्हाला हवे तसे काम करू शकता. हे काम करताना आपल्याला विविध युनिक गोष्टी अपोआप सुचतात.

आत्मविश्वास वाढतो

मन एकाग्र असल्याने आणि क्रिएटीव्ह माइंडमुळे तुमचा आत्मविश्वास वाढतो. शिवणकाम आणि विणकाम परफेक्ट होऊ लागले की या व्यक्तींना आपण जीवणात सर्व काही मिळवू शकतो असं वाटू लागतं.

भावना व्यक्त करण्यासाठी मार्ग

आर्ट आणि क्राफ्ट आपल्या भावना व्यक्त करण्यासाठी एक उत्तम मार्ग आहे. अनेकदा आपल्या आयुष्यात अशा स्थिती असतात की त्यात आपण शब्द वापरू शकत नाही. अशावेळी तुम्ही भावना व्यक्त करण्यासाठी आर्ट आणि क्राफ्टचा वापर करू शकता.