Login to WhatsApp web without scanning QR code: व्हॉट्सअॅप हे आज सर्वाधिक वापरले जाणारे सोशल मीडिया मेसेजिंग अॅप आहे. व्हॉट्सअॅपचे लाखो वापरकर्ते आहेत. स्मार्टफोन असणारा जवळपास प्रत्येकजण व्हॉट्सअॅप वापरतो. यूजर्सच्या सोयीसाठी कंपनी वेळोवेळी नवीन फीचर्ससह नवीन अपडेट्स आणत असते.
आता लॅपटॉप (Laptop) किंवा डेस्कटॉपवर अॅप्लिकेशन वापरणाऱ्यांसाठी व्हॉट्सअॅपने एक मोठे अपडेट दिले आहे. असे वापरकर्ते आता QR कोड स्कॅन न करताही लॅपटॉप किंवा डेस्कटॉपवर व्हॉट्सअॅपवर लॉग इन करू शकतील.
याप्रमाणे लॉगिन करू शकतील
आता व्हॉट्सअॅप वापरकर्ते वेबवर व्हॉट्सअॅप अकाउंट सहज लॉग इन करू शकतात. वापरकर्ते आता फक्त त्यांच्या मोबाईल नंबरने त्यांच्या खात्यात लॉग इन करू शकतील. आता तुम्हाला व्हॉट्सअॅप ओपन करून लॅपटॉपवरील क्यूआर कोड स्कॅन करण्याची गरज नाही. मोबाईल नंबरने लॉगिन करण्यासाठी तुम्हाला वेबवर जाऊन मोबाईलने लॉगिन करण्याचा पर्याय निवडावा लागेल. यानंतर तुम्हाला तुमचा मोबाईल (Mobile) नंबर भरावा लागेल.
मोबाईल नंबर टाकल्यानंतर, तुम्हाला एक OTP पाठवला जाईल, हा OTP तुमच्या मोबाईलवर टाकावा लागेल. ओटीपी भरल्यानंतर, तुम्ही व्हॉट्सअॅप वेबवर सहजपणे लॉग इन करू शकाल. सध्या काही निवडक युजर्सना ही सुविधा मिळाली आहे. कंपनीने अद्याप हे फीचर प्रत्येकासाठी आणलेले नाही.
या वापरकर्त्यांना फायदा होईल
व्हॉट्सअॅपच्या या अपडेटचा वापरकर्त्यांना अनेक प्रकारे फायदा (Benefits) होणार आहे. जर तुम्हाला व्हॉट्सअॅप पुन्हा पुन्हा उघडून स्कॅनिंगची लांबलचक प्रक्रिया नको असेल तर या फीचरच्या मदतीने तुम्ही सहज लॉग इन करू शकाल. ज्यांचा कॅमेरा खराब आहे आणि त्यामुळे QR कोड स्कॅन करण्यात अडचण येत आहे अशा लोकांसाठीही हे फीचर खूप उपयुक्त ठरेल.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.