Winter Care Tips :

हिवाळ्यात वातावरणात गारवा असतो त्यामुळे सकाळी आपण व्यायाम किंवा जॉगिंगला सहसा बाहेर पडत नाही. त्यामुळे शरीराची पुरेशा प्रमाणात हालचाल होत नाही.

या काळात अनेकदा फॅट आणि साखरेचे प्रमाण असलेले पदार्थ खाण्याची चव जिभेवर रेंगाळते. परंतु, याचे सेवन केल्याने वजन वाढते. वाढत्या वजनामुळे हल्ली अनेक लोक त्रस्त आहेत. खाण्यापिण्याच्या काही गोष्टींवर नियंत्रण ठेवले तर सुटलेलं पोट नियंत्रणात राहू शकते. जाणून घेऊया त्याबद्दल सविस्तर

1. बेरी

बेरीमध्ये भरपूर प्रमाणात अँटी-ऑक्सिडेंट असतात. याचे सेवन केल्याने आरोग्याला (Health) अनेक फायदे होऊ शकतात. यामुळे वजन कमी (Weight Loss) होण्यास देखील मदत होते. यामध्ये खूप कमी कॅलरी आणि फायबर असते.

2. पालक

पालक ही आरोग्यांसाठी गुणकारी मानली जाते. यामध्ये अनेक जीवनसत्त्व आणि खनिजे आहेत. जे आरोग्यासाठी (Benefits) खूप फायदेशीर आहेत. यामध्ये फायबर अधिक आढळते. ज्यामुळे शरीरातील साखरेची पातळी नियंत्रित राहून वजन कमी करण्यास मदत होते.

3. गाजर

हिवाळ्यात नियमितपणे गाजर खाल्ल्याने आरोग्य निरोगी राहाते. यामध्ये व्हिटॅमिन ए आणि फायबर आहे. तसेच कॅलरीदेखील आहे. ज्यामुळे याचे सेवन केल्याने शरीरात चरबी जमा होत नाही. भूकही लागत नाही.

4. एवोकॅडो

एवोकॅडो खाणे आरोग्यासाठी खूप फायदेशीर आहे. यामध्ये फायबर आणि अनेक खनिजे देखील आढळतात, ज्यामुळे पचनक्रिया सुरळीत राहते. त्यामुळे तुमचे वजन कमी करण्यात खूप मदत होते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.