Vastu Tips  AI Image
लाईफस्टाईल

Vastu Tips : घरातील 'या' पाच ठिकाणी रिकामी भांडी ठेवू नका, नाहीतर येईल नशिबी येईल दारिद्र्य

Vastu Tips For Money : वास्तुशास्त्रानुसार घरातील स्वयंपाकघर, देवघर, बेडरूम, मुख्य दरवाजा आणि डायनिंग टेबलवर रिकामी भांडी ठेवणे टाळावे, असे मानले जाते. जाणून घ्या रिकामी भांडी ठेवण्यासंदर्भातील ५ महत्त्वाचे वास्तु नियम आणि सोप्या टिप्स.

Alisha Khedekar

घरातील स्वच्छता आणि नीटनेटकेपणा राखण्यासाठी आपण अनेक छोट्या-छोट्या गोष्टींकडे लक्ष देत असतो. मात्र, काही गोष्टींकडे नकळत दुर्लक्ष होते. उदाहरणार्थ, पाणी प्यायल्यानंतर रिकामा ग्लास बेडजवळ ठेवणे, स्वयंपाकघरात रिकामे भांडे तसेच ठेवणे किंवा जेवण झाल्यानंतर डायनिंग टेबलवर भांडी तशीच सोडणे. या सवयी अगदी सामान्य वाटत असल्या तरी वास्तुशास्त्रानुसार त्यांचा घरातील सकारात्मक ऊर्जेवर परिणाम होऊ शकतो, अशी मान्यता आहे. घरातील सुख-समृद्धी आणि आर्थिक स्थैर्य टिकवण्यासाठी काही ठिकाणी रिकामी भांडी ठेवणे टाळावे, असे वास्तुशास्त्र सांगते. जाणून घेऊया घरातील अशी कोणती पाच ठिकाणे आहेत, जिथे रिकामी भांडी ठेवणे टाळावे.

वास्तुशास्त्रानुसार स्वयंपाकघर हे घरातील अत्यंत महत्त्वाचे ठिकाण मानले जाते. वास्तुशास्त्रात स्वयंपाकघराचा संबंध अन्नपूर्णा आणि समृद्धीशी जोडला जातो. त्यामुळे गॅसच्या शेगडीवर किंवा चुलीवर रिकामे भांडे ठेवणे शुभ मानले जात नाही. स्वयंपाक झाल्यानंतर भांडे तसेच चुलीवर ठेवण्याऐवजी ते स्वच्छ करून योग्य ठिकाणी ठेवावे. रिकामी भांडी ठेवायची असल्यास ती उलटी करून ठेवावीत, असे वास्तुशास्त्रात सांगितले जाते. स्वयंपाक घराप्रमाणे देवघर देखील महत्त्वाचे आहे. देवघर हे घरातील पवित्र आणि शांततेचे ठिकाण असते. त्यामुळे देवघरात ठेवलेला कलश, नैवेद्याची वाटी किंवा पूजेसाठी वापरली जाणारी इतर भांडी रिकामी ठेवू नयेत, अशी वास्तुशास्त्रात मान्यता आहे. पूजा झाल्यानंतर भांडी स्वच्छ करून जागेवर ठेवावीत. त्यांचा वापर नसल्यास ती उलटी करून ठेवणे योग्य मानले जाते.

अनेकांना रात्री तहान लागल्यास लगेच पाणी मिळावे म्हणून बेडजवळ पाण्याचा ग्लास ठेवण्याची सवय असते. मात्र, पाणी संपल्यानंतर तो रिकामा ग्लास तिथेच ठेवला जातो. वास्तुशास्त्रानुसार झोपण्याच्या जागेजवळ रिकामी भांडी ठेवणे टाळावे. त्यामुळे झोपण्यापूर्वी रिकामा ग्लास किंवा इतर भांडी बाजूला करून जागा स्वच्छ ठेवावी. जेवण झाल्यानंतर अनेकजण ताट, वाट्या आणि ग्लास डायनिंग टेबलवर तसेच ठेवतात. मात्र, ही सवय टाळणे चांगले. वास्तुशास्त्रानुसार डायनिंग टेबलवर रिकामी भांडी ठेवणे योग्य मानले जात नाही. त्यामुळे जेवण झाल्यानंतर ताट आणि इतर भांडी लगेच उचलून स्वच्छ करावीत. विशेषतः रात्री झोपण्यापूर्वी डायनिंग टेबल स्वच्छ आणि नीटनेटके ठेवावे.

घरातील या छोट्या सवयी बदलल्यास घर अधिक स्वच्छ, सुंदर आणि प्रसन्न राहण्यास मदत होते. वास्तुशास्त्रातील या गोष्टी धार्मिक आणि पारंपरिक मान्यतांवर आधारित आहेत. त्यांचा आर्थिक परिस्थितीवर थेट परिणाम होतो, याला वैज्ञानिक पुरावा नाही. त्यामुळे घरातील स्वच्छता आणि नीटनेटकेपणा राखण्याच्या दृष्टीने या सवयी अंगीकारणे नक्कीच फायदेशीर ठरू शकते.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra News Live Update: नांदेडमध्ये कार-कंटेनरचा भीषण अपघात

Dev Diwali Trip: देव दिवाळीला वाराणसीला जाण्याचा प्लॅन करताय? ३ दिवसांत पाहा काशीचे सुंदर घाट, गंगा आरती; असे करा ट्रिपचे नियोजन

Train Ticket : तुमच्या नावाच्या तिकीटावर दुसरा व्यक्ती करू शकणार प्रवास, रेल्वे विभागाचा नवा नियम

Health Tips : भूक नसतानाही सारखं काहीतरी खावंसं वाटतंय? या क्रेव्हिंग्स मागचं कारण जाणून घ्या

EPFO New Rules: आता पीएफ खात्यातून ९० टक्के रक्कम काढू शकता, पण असतील 'या' अटी

SCROLL FOR NEXT