फुफ्फुसांचा कॅन्सर तेव्हा होतो ज्यावेळी फुफ्फुसांमधील पेशी अनियंत्रित पद्धतीने वाढायला लागतात आणि एक प्रकारची कॅन्सरयुक्त गाठ तयार होतो. धूम्रपान, प्रदूषित हवा, काही विषारी रसायनांच्या संपर्कात येणं किंवा अनुवंशिक कारणांमुळे हा आजार होण्याचा धोका अधिक असतो.

हा आजार ‘साइलेंट किलर’सारखा असतो. मुख्य म्हणजे सुरुवातीला तो फारसा लक्षात येत नाही, पण आतून शरीराला हळूहळू पोखरतो. लक्षणं सौम्य असतात, त्यामुळे अनेकदा लोक याकडे दुर्लक्ष करतात आणि तोपर्यंत आजार गंभीर टप्प्यावर पोहोचलेला असतो. फुफ्फुसांच्या कॅन्सरची नेमकी काय लक्षणं दिसून येतात ती पाहूयात.

सतत खोकला राहणं

जर तुम्हाला खूप दिवसांपासून खोकला आहे आणि तो काही केल्या जात नसेल किंवा अचानक तुमचा आवाज बदलला असेल तर हे फुफ्फुसांमधील गाठ किंवा संसर्गाचे संकेत असू शकतात. अशा लक्षणांकडे दुर्लक्ष करू नका.

श्वास घेण्यास त्रास होणं

जर तुम्हाला जास्त कष्ट न करता श्वास चढत असेल किंवा छातीत जडपणा, दाब किंवा दुखणं जाणवत असेल तर हे फुफ्फुसांच्या क्षमतेत घट झाल्याचं दर्शवतं. याचा अर्थ कॅन्सर शरीरात पसरायला लागला आहे, असंही असू शकतो.

वजन झपाट्याने कमी होणं

कोणतंही डायट किंवा व्यायाम न करता जर अचानक वजन कमी होत असेल आणि हलक्या कामातही अत्यंत थकवा जाणवत असेल, तर हे शरीरात गंभीर काहीतरी सुरू आहे याचे संकेत आहेत.

आवाज बदलणं

जर बोलताना आवाज अचानक भारी वाटत असेल किंवा सतत घरघर होत असेल तर याचा अर्थ असा होऊ शकतो की, फुफ्फुसातील ट्यूमरने आवाजाच्या स्नायूंवर किंवा श्वास नलिकांवर दबाव टाकायला सुरुवात केली आहे.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत