कबुतरे बाल्कनीत किंवा खिडक्यांबाहेर तळ ठोकून बसतात. कबुतरांमुळे लोकांना बराच त्रास होतो. कधी कधी कबुतरे कळपात जमतात. आवाज, विष्ठा, पंख यामुळे परिसर घाण होतोच. शिवाय गंभीर आजरांचाही धोका वाढतो. मुख्यतः विष्ठेमुळे रोग पसरण्याचा धोका असतो. जर तुम्हाला त्यांना इजा न करता घरापासून दूर ठेवायचं असेल तर, प्रथम कबुतरांना सर्वात जास्त कशाची भीती वाटते हे समजून घेणे गरजेचे आहे.

कबुतरांना एक विशिष्ट वासाची भीती वाटते. यापैकी काही वस्तू तुमच्या स्वयंपाकघरात उपलब्ध आहेत. स्वयंपाक घरातील मसाले कबुतरांना तुमच्या बालकनी आणि खिडक्यांपासून कसे ठेवू शकतात हे जाणून घ्या.

पक्षी

कबुतरांना सर्वात जास्त भीती शिकारी पक्षांची असते. गरुड आणि घुबड यासारख्या पक्षांना कबुतर घाबरतात. शिकारी पक्षांचा आवाज जरी आला तरी ते घाबरून पळून जातात. आपण बाल्कनीत घुबडाचे मॉडेल ठेवू शकता.

पेपरमिंट तेल

कबुतरांना काही तीव्र वास आवडत नाहीत. पेपरमिंटचा तीव्र वास कबुतरांना सहन होत नाही. यासाठी पेपरमिंट तेल पाण्यात मिसळा. ते स्प्रे बॉटलमध्ये भरा. आणि बाल्कनीच्या रेलिंग्स, खिडकीच्या चौकटी आणि कबुतरांच्या वारंवार येण्याच्या इतर ठिकाणी दररोज स्प्रे करा.

पांढरा व्हिनेगर

पांढरा व्हिनेगारला तीव्र आणि आंबट वास असतो. जे कबुतरांना दूर ठेवतो. यासाठी स्प्रे बॉटलमध्ये पाणी भरा. त्यात व्हाईट व्हिनेगर समान प्रमाणात मिसळा. आणि स्प्रे करा. व्हिनेगरमुळे कबूतर त्या परिसरात येणार नाही.